UP MINOR RAPE: ఉత్తర్ప్రదేశ్లో దారుణం జరిగింది. ఓ యువకుడు ఆరేళ్ల బాలికపై అత్యాచారానికి పాల్పడ్డాడు. బాలిక కుటుంబ సభ్యుల ఫిర్యాదు మేరకు ఆ వ్యక్తిపై పోలీసులు కేసు నమోదు చేశారు. అనంతరం ఆ వ్యక్తిని అరెస్ట్ చేసేందుకు వెళ్లగా అతడు పోలీసులపై కాల్పులు జరిపినట్లు అధికారులు తెలిపారు.
అత్యాచారానికి పాల్పడిన వ్యక్తిపై పోలీసులు పోక్సో చట్టం కింద కేసు నమోదు చేసినట్లు ఎస్పీ రోహిత్ సింగ్ సజ్వాన్ తెలిపారు. ప్రస్తుతం ఆ యువకుడ్ని పోలీసులు అరెస్ట్ చేసినట్లు పేర్కొన్నారు.
ఇదీ జరిగింది..
నోట్ ప్యాడ్ కొనుక్కోవాలని బాలిక శుక్రవారం మధ్యాహ్నం స్టేషనరీ షాప్కు వెళ్లింది. ఎంతసేపు చూసినా సరే చిన్నారి తిరిగి రాలేదు. దీంతో బాలిక అమ్మమ్మ వెతుకులాట మొదలు పెట్టింది. ఈ క్రమంలో చిన్నారిని ఓ వ్యక్తి ఇంటి దగ్గర వదిలిపెట్టి వెళ్లాడు.
ఇదే సమయంలో బాలికకు రక్తస్రావం అయ్యింది. దీనిని గమనించిన ఆమె తండ్రి.. ఇజాత్నగర్ పోలీస్ స్టేషన్కు తీసుకెళ్లి వైద్య పరీక్షలు నిర్వహించారు. వాటి ఆధారంగా కేసు నమోదు చేశారు. బాలికను ఇంటి దగ్గర వదిలి వెళ్లిన అతనే అమ్మాయిపై అత్యాచారానికి పాల్పడినట్లుగా పోలీసులు తెలిపారు. శుక్రవారం ఉదయం ఆ వ్యక్తిని అరెస్ట్ చేసేందుకు పోలీసులు ప్రయత్నించగా.. వారిపై కాల్పులు జరిపినట్లు పేర్కొన్నారు.
ఇదీ చూడండి:
