ప్రేమ పెళ్లి కోసం మత మార్పిడికి పాల్పడే ఘటనలను నివారించేందుకు పటిష్ఠ వ్యూహాన్ని రూపొందించింది ఉత్తరప్రదేశ్ ప్రభుత్వం. ఇందుకు సంబంధించిన ఆర్డినెన్స్కు రాష్ట్ర కేబినెట్ ఆమోద ముద్ర వేసింది. ఆ రాష్ట్ర మంత్రి సిద్ధార్థ్ నాథ్ సింగ్ ఈమేరకు వెల్లడించారు.
లవ్ జిహాద్(ప్రేమ పేరిట మత మార్పిడికి పాల్పడటం)పై వస్తున్న ఫిర్యాదులను పరిశీలించడానికి రెండు నెలల ముందు కాన్పుర్లో ప్రత్యేక దర్యాప్తు బృందాన్ని పోలీసులు ఏర్పాటు చేశారు. ఈ నేపథ్యంలో ఈ తరహా ఘటనలను అరికట్టేందుకు ఆర్డినెన్స్ తీసుకురావాలని నిర్ణయించింది యోగి ఆదిత్యనాథ్ ప్రభుత్వం.
కఠిన శిక్షలు...
- బలవంతపు మతమార్పిళ్లు చేయించిన వారికి రూ. 15వేల జరిమానాతో పాటు 1-5ఏళ్లు జైలు శిక్ష.
- ఎస్సీ/ఎస్టీ మైనర్లు, మహిళలతో మతమార్పిళ్లు చేయించినవారికి రూ. 25వేల పెనాల్టీతో పాటు 3-10ఏళ్ల జైలు శిక్ష.
ఇదీ చూడండి:- 'హిందువా.. ముస్లిమా అనవసరం- మేజర్లా.. కాదా?'
