ఉత్తర్ప్రదేశ్ పీలీభీత్ జిల్లాలో జరిగిన పులి దాడిలో ఇద్దరు ప్రాణాలు కోల్పోయారు. మరొకరు తీవ్రంగా గాయపడ్డారు. ఈ ఘటన ఆలస్యంగా వెలుగులోకి వచ్చింది. బాధితులు దియోరియా గ్రామస్థులుగా అధికారులు గుర్తించారు. పులి దాడితో స్థానికుల్లో భయాందోళనలు నెలకొన్నాయి.
ఇదీ జరిగింది..
దియోరియా గ్రామానికి చెందిన ముగ్గురు వ్యక్తులు.. సమీపంలోని పూరన్పుర్ నుంచి ద్విచక్రవాహనంపై స్వగ్రామానికి తిరిగి వస్తున్నారు. ఈ క్రమంలో మార్గమధ్యలో ఉన్న అటవీ ప్రాంతంలో వారిపై పులి దాడి చేసింది. ఈ దాడిలో ఇద్దరు అక్కడిక్కడే మృతి చెందారు. తీవ్రంగా గాయపడిన మరో వ్యక్తి చెట్టు ఎక్కి ప్రాణాలు కాపాడుకున్నాడు.
దర్యాప్తు చేస్తుండగా..
పీలీభీత్ టైగర్ రిజర్వ్లోని దియోరియా రేంజ్లో వేటగాళ్లు ప్రవేశించినట్టు అధికారులకు ఆదివారం సమాచారం అందించింది. వేటగాళ్లను అరెస్ట్ చేశారు. ఈ క్రమంలో ఆ ప్రాంతంలో పులి దాడి జరిగినట్టు వెల్లడైందని అధికారులు వెల్లడించారు.
పులి కోసం గాలిస్తున్నామని అధికారులు తెలిపారు.
ఇదీ చూడండి : Viral Video: గ్రామంలోకి చిరుతలు.. వణికిపోతున్న ప్రజలు
