TTD Latest News : తిరుమలలో వెలసిన కలియుగ ప్రత్యక్ష దైవం వేంకటేశ్వర స్వామి దర్శనం చేసుకునేందుకు నిత్యం వేలాది మంది తరలివస్తుంటారు. అయితే.. ఈ శనివారం (28వ తేదీ) తిరుమలకు వెళ్లే భక్తుల అలర్ట్‌గా ఉండాలి. ఎందుకంటే.. శనివారం రోజున తిరుమల తిరుపతిలోని అన్ని ఆలయాలను మూసివేయనున్నారు. మరి, ఎందుకు మూసివేస్తున్నారో ఈ స్టోరీలో తెలుసుకుందాం.
చంద్రగ్రహణం..
ఈ నెల 28వ తేదీన చంద్రగ్రహణం ఏర్పడనుంది. అక్టోబర్‌ 28 (శనివారం) అర్ధరాత్రి దాటిన తర్వాత 29వ తేదీ ఆరంభ సమయంలో.. పాక్షిక చంద్రగ్రహణం ఏర్పడబోతుంది. ఈ పాక్షిక చంద్రగ్రహణం 01:05 గంటలకు ప్రారంభమై.. 02:24 గంటలకు ముగుస్తుంది. ఈ చంద్రగ్రహణం కారణంగానే తిరుమల తిరుపతి దేవస్థానంలోని అన్ని దేవాలయాలనూ మూసివేస్తున్నట్లు టీటీడీ తెలిపింది.
గ్రహణం ఏర్పడిన ప్రతిసారీ గ్రహణ సమయానికి 6 గంటలు ముందుగా.. శ్రీవారి ఆలయ తలుపులు మూసివేయడం ఆనవాయితీగా వస్తోంది. పాక్షిక చంద్రగ్రహణం కారణంగా తిరుమల శ్రీవారి ఆలయంతోపాటు తిరుచానూరు శ్రీపద్మావతి అమ్మవారి ఆలయంలో శనివారం సాయంత్రం 5 గంటలకు తలుపులు మూసివేస్తారు. తిరిగి శ్రీవారి ఆలయాన్ని ఆదివారం తెల్లవారుజామున 4.30 గంటలకు తలుపులు తెరుస్తారు.
టీటీడీ అనుబంధ ఆలయాలు కూడా..
తరవాత ఆలయాన్ని శుద్ధి చేసిన అనంతరం.. ఉదయం 7 గంటల నుంచి భక్తులకు సర్వదర్శనం కల్పిస్తారు. తిరుమలలోని శ్రీవారి ఆలయంతో పాటు తిరుపతిలోని శ్రీ గోవిందరాజస్వామి, శ్రీ కోదండ రామస్వామి, శ్రీనివాస మంగాపురంలోని శ్రీకల్యాణ వేంకటేశ్వర స్వామి ఆలయాల్లో శనివారం రాత్రి 7 గంటలకు తలుపులు మూసివేస్తారు. తరవాత తెల్లవారుజామున 4.30 గంటలకు ఆలయాలను తెరిచి, శుద్ధి చేసిన అనంతరం భక్తులకు సర్వదర్శన అవకాశం కల్పిస్తారు. చంద్ర గ్రహణం కారణంగా.. శ్రీ కోదండ రామస్వామివారి ఆలయంలో పౌర్ణమి అష్టోత్తర శతకలశాభిషేకం, శ్రీనివాస మంగాపురంలో పౌర్ణమి గరుడ సేవ రద్దయ్యాయి.
తెలియకపోతే ఇబ్బందులు..
