దేశంలో కరోనా టీకా పంపిణీ- ఆరో రోజు లెక్కలివే

దేశంలో కరోనా టీకా పొందిన వారి సంఖ్య 10లక్షలకు చేరువైంది. గురువారం ఒక్కరోజే 1.9లక్షల మందికిపైగా లబ్ధిదారులు వ్యాక్సిన్ తీసుకున్నట్టు కేంద్ర ఆరోగ్య శాఖ వెల్లడించింది.

దేశంలో గురువారం సాయంత్రం(6గంటల) వరకు మొత్తం 9,99,065 మంది లబ్ధిదారులకు కరోనా టీకా అందించినట్టు కేంద్ర ఆరోగ్యశాఖ ప్రకటించింది. మొత్తం 18,159 సెషన్లలో ఈ టీకా నిర్వహణ చేపట్టినట్టు ఆరోగ్యశాఖ అదనపు కార్యదర్శి మనోహర్​ అగ్నాని పేర్కొన్నారు.

టీకా పంపిణీ ప్రారంభమైన ఆరోరోజున(గురువారం).. 27 రాష్ట్రాలు, కేంద్రపాలిత ప్రాంతాలలో మొత్తం 1,92,581 మంది వ్యాక్సిన్​ వేయించుకున్నట్టు తెలిపారు.

ఇదీ చదవండి: టీకా లబ్ధిదారులతో శుక్రవారం మోదీ మాటామంతి