- శ్రీ శుభకృత్‌ నామ సంవత్సరం; ఉత్తరాయణం; గ్రీష్మ రుతువు; జ్యేష్ఠ మాసం; బహుళపక్షం నవమి: రా. 12-53 తదుపరి దశమి, ఉత్తరాభాద్ర: ఉ.9-57 తదుపరి రేవతి, వర్జ్యం: రా.10-05 నుంచి 11-42 వరకు, అమృత ఘడియలు: ఉ. 6-47 వరకు, దుర్ముహూర్తం: మ.11-35 నుంచి 12-27వరకు, రాహుకాలం: మ. 12-00 నుంచి 1-30 వరకు, సూర్యోదయం: ఉ.5.30, సూర్యాస్తమయం: సా.6.33
- మేషం.. చేపట్టే పనుల్లో ఓర్పు,సహనం,పట్టుదల అవసరం. అనవసరమైన ఆలోచనలతో కాలాన్ని వృథా చేయకండి. ద్వాదశ చంద్ర సంచారం అనుకూలంగా లేదు. విష్ణు సహస్రనామ పారాయణ శుభకరం.
- వృషభం.. వృత్తి,ఉద్యోగాల్లో తోటివారి ప్రోత్సాహంతో అనుకున్నది సాధిస్తారు. ఎన్ని ఇబ్బందులు వచ్చినా పట్టుదలతో ముందుకు సాగుతారు. అధికారులను మెప్పించడానికి అధికంగా శ్రమించాల్సి వస్తుంది.
- మిథునం.. ఒక శుభవార్త మీ ఇంట్లో ఆనందాన్ని నింపుతుంది. విందు,వినోద కార్యక్రమాలలో పాల్గొంటారు. మీ బుద్దిబలంతో కీలక వ్యవహారాలలో సమయస్ఫూర్తితో వ్యవహరించి అందరి ప్రశంసలను అందుకుంటారు. లక్ష్మీదేవి సందర్శనం శుభప్రదం.
- కర్కాటకం.. శ్రమకు తగిన ఫలితాలు ఉంటాయి. బంధు,మిత్రులతో కలిసి ఆనందంగా గడుపుతారు. చిన్న చిన్నవిషయాలను సాగదీయకండి. ప్రయాణాల్లో జాగ్రత్త అవసరం. ఆదిత్య హృదయం చదవడం మంచిది.
- సింహం.. చిత్తశుద్దితో పనులను ప్రారంభిస్తారు. ధర్మ కార్యక్రమాలను చేపడతారు. మీ పరిధిని దృష్టిలో ఉంచుకుని ముందుకు సాగాలి. తరచూ నిర్ణయాలు మార్చడం ద్వారా ఇబ్బందులు ఎదురవుతాయి. అవసరానికి సహాయం చేసేవారు ఉంటారు. ఆంజనేయ ఆరాధన శుభప్రదం.
- కన్య.. కీలక వ్యవహారంలో తోటివారి ఆలోచనల వల్ల మంచి జరుగుతుంది. ధర్మసిద్ది కలదు. కొందరి ప్రవర్తన మీ మనసును చికాకుపరుస్తుంది. అకారణ కలహసూచన ఉంది, కాబట్టి వాదనలకు దూరంగా ఉండటమే మంచిది. లక్ష్మీదేవి సందర్శనం మంచిది.
- తుల.. అనుకూలమైన సమయం. బంధు,మిత్రులతో కలిసి కీలక విషయాలు చర్చిస్తారు. చేపట్టిన పనులను ప్రణాళికబద్దంగా పూర్తి చేసి అందరి ప్రశంసలను అందుకుంటారు. విందు,వినోద కార్యక్రమాలలో పాల్గొంటారు. సుందరకాండ పారాయణ శుభప్రదం.
- వృశ్చికం.. మనోబలం తగ్గకుండా చూసుకోవాలి. చేపట్టే పనుల్లో ఆటంకాలు ఎదురైనా అధిగమిస్తారు. ముఖ్య విషయాల్లో తోటివారి సూచనలు తీసుకోవడం మంచిది. కుటుంబ సహకారం ఉంటుంది. ఈశ్వరారాధన శుభప్రదం.
- ధనుస్సు.. దైవబలం అనుకూలిస్తోంది. ప్రారంభించిన పనులను తోటివారి సహకారంతో పూర్తిచేస్తారు. నూతన వస్తువులు కొనుగోలు చేస్తారు. బంధు,మిత్రులతో ఆచితూచి వ్యవహరించాలి. కీలకమైన చర్చలు ఫలిస్తాయి. రుణసమస్యలు లేకుండా చూసుకోవాలి. ఇష్టదైవ ప్రార్థన శుభాలను చేకూరుస్తుంది.
- మకరం.. అనుకూలమైన సమయం. ప్రారంభించిన పనులను విజయవంతంగా పూర్తిచేయగలుగుతారు. విందు,వినోద,ఆధ్యాత్మిక కార్యక్రమాలలో పాల్గొంటారు. ఇష్టమైన వారితో కాలాన్ని గడుపుతారు. దైవారాధన మానవద్దు.
- కుంభం.. ప్రారంభించిన పనిలో ఎన్ని ఆటంకాలు ఎదురైనా తోటివారి సహకారంతో అధిగమించే ప్రయత్నం చేస్తారు. ఆధ్యాత్మిక కార్యక్రమాలలో పాల్గొంటారు. అధికారులతో కాస్త అప్రమత్తంగా ఉండాల్సిన సమయం. ఇష్టదేవతా స్తోత్రం చదివితే బాగుంటుంది.
- మీనం.. మనోధైర్యంతో ముందుకు సాగి అనుకున్నది సాధిస్తారు. ఒక వ్యవహారంలో కుటుంబసభ్యుల సహకారం లభిస్తుంది. వ్యాపారంలో పురోగతి ఉంటుంది. కుటుంబ సభ్యులతో ఆనందంగా గడుపుతారు. విష్ణు అష్టోత్తర శతనామావళి చదివితే సమస్యలు తొలగుతాయి.
