తృణమూల్ కాంగ్రెస్ ఎంపీ, నటి నుస్రత్ జహాన్ మరోసారి వార్తల్లో నిలిచారు. ఆమె ప్రెగ్నెన్సీకి సంబంధించిన ఫొటో ఒకటి నెట్టింట్లో చక్కర్లు కొడుతోంది. నుస్రత్ గర్భవతి అంటూ.. సామాజిక మాధ్యమాల్లో ప్రచారం సాగింది. అయితే దీనికి తనకు సంబంధం లేదని నుస్రత్ భర్త నిఖిల్ జైన్ ఇప్పటికే చెప్పుకొచ్చారు.
తన భర్త నిఖిల్ జైన్తో తెగదెంపులు చేసుకున్నట్లు నుస్రత్ కూడా ప్రకటించారు. ఈ నేపథ్యంలో నుస్రత్ బేబీ బంప్ ఫొటోలు వైరల్ కావడం గమనార్హం. భర్తతో విడిగా ఉంటున్న నుస్రత్ గర్భవతి ఎలా అయ్యిందనే చర్చ సామాజిక మాధ్యమాల్లో విపరీతంగా జరుగుతోంది. ఆమె సినీనటి కావడం వల్ల అటు ఫిల్మ్ ఇండస్ట్రీలో.. ఎంపీ కావడం వల్ల ఇటు రాజకీయ వర్గాల్లో నుస్రత్ ప్రెగ్నెన్సీ అంశం ప్రాధాన్యం సంతరించుకుంది. ఈ ఫొటోలో నుస్రత్తో పాటు బంగాలీ నటి స్రవంతి ఛటర్జీ ఉన్నారు.
ఇదీ చదవండి : నిఖిల్తో పెళ్లైంది.. కానీ చెల్లదు: ఎంపీ నుస్రత్
