యూపీఎస్సీ ప్రిలిమినరీ పరీక్షకు అదనపు అవకాశం ఇవ్వాలన్న సివిల్స్ ఆశావాహుల పిటిషన్ను సుప్రీంకోర్టు కొట్టివేసింది. 2020 సివిల్స్లో చివరి ప్రయత్నంగా పరీక్షరాసి విఫలమైన వారికి మరో అవకాశం ఇవ్వాలని అభ్యర్థులు వ్యాజ్యంలో పేర్కొన్నారు.
కరోనా కారణంగా గతేడాది జరిగిన సివిల్స్ పరీక్షలకు సరిగా సన్నద్ధం కాలేదని పిటిషనర్లు తెలిపారు. అందువల్ల తమకు ఈ సారి(2021) జరిగే ప్రిలిమ్స్ పరీక్ష రాసేందుకు అవకాశమివ్వాలని కోరారు. దీనిని విచారించిన ధర్మాసనం ఈ నెల 9న తీర్పును రిజర్వు చేసింది. తాజాగా పిటిషన్ను కొట్టివేస్తూ సుప్రీంకోర్టు న్యాయమూర్తి జస్టిస్ ఖాన్ విల్కర్తో కూడిన ధర్మాసనం తీర్పు వెలువరించింది.
ఇదీ చూడండి: ఆ 'సివిల్స్' అభ్యర్థులకు మరో అవకాశం
