Half Naked Girl Body: మహారాష్ట్ర గోందియా జిల్లాలో షాకింగ్ కేసు వెలుగుచూసింది. ఆమ్గావ్ తాలూకాలోని కుంభార్ టోలా అటవీ ప్రాంతంలో అర్ధనగ్నంగా ఓ బాలిక మృతదేహం లభ్యమైంది. ఆమెను గుర్తుపట్టే వీలు లేకుండా ముఖాన్ని కాల్చారు దుండగులు. ముఖం సగానికిపైగా కాలిపోయింది. బాధితురాలి వివరాలు ఇంకా తెలియరాలేదు. ఘటనపై దర్యాప్తు చేస్తున్నారు పోలీసులు.
బుధవారం.. స్థానికులు కొందరు పూలు కోసేందుకు వెళ్లగా అటవీ ప్రాంతంలో రోడ్డు పక్కన బాలిక మృతదేహాన్ని గుర్తించారు. వెంటనే పోలీసులకు సమాచారం అందించారు. ఘటనా స్థలానికి చేరుకున్న పోలీసులు.. మృతదేహాన్ని ఆమ్గావ్ గ్రామీణ ఆస్పత్రికి తీసుకెళ్లి పంచనామా నిర్వహించారు. ఘటనపై దర్యాప్తు చేస్తున్నారు. మృతురాలి వయసు 15-17 ఏళ్ల మధ్య ఉంటుందని అంచనా.
Minor Gang Raped: 16 ఏళ్ల బాలికపై నలుగురు వ్యక్తులు సామూహిక అత్యాచారం చేసిన ఘటన రాజస్థాన్ అల్వార్లో వెలుగుచూసింది. బాధితురాలి తండ్రి ఫిర్యాదు మేరకు కేసు నమోదు చేసుకున్న పోలీసులు.. నిందితుల కోసం గాలిస్తున్నారు. ఓ మైనర్ను అదుపులోకి తీసుకొని ప్రశ్నిస్తున్నారు. బాధితురాలి ఇంటి సమీపంలోనే మంగళవారం రాత్రి నిందితులు.. ఈ దారుణానికి పాల్పడినట్లు పోలీసులు తెలిపారు.
Gang Rapes in Malda,Hooghly: బంగాల్లో రెండు వేర్వేరు చోట్లు గ్యాంగ్రేప్ ఘటనలు కలకలం రేపాయి. హూగ్లీ ఉత్తర్పారాలో తనపై తొలుత ఓ వ్యక్తి అత్యాచారం చేసినట్లు ఆరోపించింది ఓ యువతి. వీడియో తీసి బెదిరించి.. మరికొందరు పలుమార్లు సామూహిక అత్యాచారం చేశారని పోలీసులకు ఫిర్యాదు చేసింది. ఈ ఘటనకు సంబంధించి నలుగురు యువకులను అరెస్టు చేశారు పోలీసులు.
మాల్దా కాలియాచాక్ ప్రాంతంలోనూ ఇలాంటి ఘటనే జరిగింది. 8వ తరగతి చదివే బాలికపై సామూహిక అత్యాచారం జరిగింది. బుధవారం రాత్రి బాలిక తల్లి ఇంట్లో లేని సమయంలో.. ఆమెను బయటకు తీసుకెళ్లిన నలుగురు వ్యక్తులు గ్యాంగ్రేప్కు పాల్పడినట్లు సమాచారం. బాధితురాలి తల్లి ఫిర్యాదుతో పోలీసులు ఇప్పటివరకు ఇద్దరు నిందితులను అరెస్టు చేశారు. మిగతావారి కోసం గాలిస్తున్నారు.
ఇవీ చూడండి: ప్రియుడితో బైక్పై వెళ్తుందని.. మినీ ట్రక్కుతో ఢీకొట్టిన సోదరుడు
