ఈ చేపలు చాలా కాస్ట్లీ గురూ..

బంగాల్​లోని తూర్పు మెదినీపుర్ జిల్లా దిఘా ప్రాంతంలో మత్స్యకారులకు చిక్కిన చేపలు రికార్డు స్థాయి ధర పలికాయి. పట్టుబడ్డ 33 చేపలను వేలం వేయగా రూ. 1.40 కోట్లు పలికాయి. కిలో రూ. 13వేలకు విక్రయించినట్లు మత్స్యకారులు తెలిపారు.

చేపల వేటకు వెళ్లి తిరిగొచ్చిన మత్స్యకారులకు కాసులపంట పండింది. తాము తెచ్చిన చేపలు వేలం వేయగా రూ.కోటికిపైగా ధర పలికాయి. వారు తెచ్చింది అరుదైన రకానికి చెందిన చేపలు కావడమే కారణం. ఈ ఘటన బంగాల్​లోని తూర్పు మెదినీపుర్​ జిల్లా దిఘా ప్రాంతంలో జరిగింది.

మత్స్యకారులకు చిక్కిన తెలియా భోలా రకం చేపలు

సాధారణంగా ఈ రకం చేపలు కిలో ధర రూ.13వేలు ఉంటుందని స్థానిక మత్య్యకారులు వెల్లడించారు. ఒక్కో చేప ధర 33 నుంచి 35 కిలోలు ఉంటుందని అంచనా వేస్తున్నారు. మత్స్యకారుల వలలో ఇటువంటి చేపలు 33 చిక్కాయి. ఈ మొత్తం చేపలను వేలం వేయగా రూ.1.40 కోట్లు ధర పలికింది.

రికార్డు స్థాయి ధర పలికిన చేపలు

తెలియా భోలా రకానికి చెందిన ఈ చేపలు ఇదివరకు కూడా మత్స్యకారులకు చిక్కాయి.

క్యాప్స్యూల్​ కవర్స్​ తయారీలో ఈ చేప శరీర భాగాలు ఉపయోగించడం వల్ల వీటి ధర ఎక్కువగా ఉంటుంది.

ఇదీ చూడండి : వరదలో చిక్కుకున్న తల్లీబిడ్డల కోసం యువకుల సాహసం- సీఎం ఫిదా