'మాతృభాషలోనే సాంకేతిక కోర్సుల బోధన'

ఉన్నత విద్యలో చేరే విద్యార్థుల సంఖ్యను పెంచే దిశగా కీలక నిర్ణయం తీసుకుంది కేంద్ర ప్రభుత్వం. ఇకపై సాంకేతిక కోర్సులను మాతృభాషల్లోనే బోధించాలని బోధించాలని నిర్ణయం తీసుకున్నట్లు కేంద్ర విద్యాశాఖ మంత్రి రమేశ్​ పోఖ్రియాల్​ స్పష్టం చేశారు. రాజ్యసభలో భాజపా సభ్యుడు అడిగిన ప్రశ్నకు ఈ మేరకు.. విద్యా శాఖ మంత్రి లిఖితపూర్వక సమాధానం ఇచ్చారు.

స్థానిక భాషల్లో విద్యాభ్యాసం చేసిన విద్యార్థులు సులభంగా సాంకేతిక విద్యకు అలవాటు పడటానికి కేంద్ర విద్యా శాఖ కీలక నిర్ణయం తీసుకుంది. సాంకేతిక కోర్సులను మాతృభాషల్లోనే బోధించాలని నిర్ణయించినట్లు విద్యాశాఖ స్పష్టం చేసింది. మాతృభాషలో బోధన వల్ల ఉన్నత విద్యలో చేరే విద్యార్థుల సంఖ్య పెరుగుతుందని అంచనా వేసింది.

విద్యార్థులు ఇబ్బంది పడకుండా సాంకేతిక విద్యను అందిపుచ్చుకునేలా చేసి వారిలో ప్రతిభా పాఠవాలకు సానపెట్టేందుకు వీలుగా కేంద్రం ఈ నిర్ణయం తీసుకున్నట్లు తెలుస్తోంది. 2021-22 విద్యా సంవత్సరం నుంచి ప్రయోగాత్మకంగా సాంకేతిక విద్యను మాతృభాషలోనే బోధించాలని యోచిస్తున్నట్లు కేంద్ర విద్యా శాఖ మంత్రి రమేశ్​ పోఖ్రియాల్‌ పార్లమెంటుకు తెలిపారు. నూతన విద్యా విధానానికి అనుగుణంగానే ఈ నిర్ణయం తీసుకున్నట్లు మంత్రి తెలిపారు.

భాషల వినియోంగ పెంచడానికే..

ఇకపై ఉన్నత విద్యా కోర్సులను మాతృభాష లేదా స్థానిక భాషల్లోనే బోధిస్తారని పోఖ్రియాల్‌ స్పష్టం చేశారు. ఉన్నత విద్యలో విద్యార్థుల సంఖ్యను పెంచడంతో పాటు భారతీయ భాషల బలం, వినియోగం, పెంచడానికి ఇది దోహదపడుతుందన్నారు. ఇకపై విద్యార్థులకు అందించే కోర్సులను ద్విభాషల్లో అందుబాటులోకి తీసుకురానున్నట్లు విద్యా శాఖ మంత్రి పేర్కొన్నారు. ఈ విధానాన్ని అమల్లోకి తీసుకురావడానికి ఐఐటీ, ఎన్‌ఐటీల డైరెక్టర్ల నేతృత్వంలో ఒక టాస్క్‌ఫోర్స్‌ను ఏర్పాటు చేసినట్లు వెల్లడించారు. రాజ్యసభలో భాజపా సభ్యుడు అడిగిన ప్రశ్నకు విద్యా శాఖ మంత్రి లిఖితపూర్వక సమాధానం ఇచ్చారు.

ఇదీ చూడండి: ఇక రవాణా శాఖ పరిధిలోకి 'రోప్​ వే'లు