తమిళనాడులోని ఈరోడ్ జిల్లాలో దీపావళి పండుగను (diwali festival celebration in india) వినూత్నంగా జరుపుకున్నారు. జిల్లాలోని గుమటపురం గ్రామానికి చెందిన ప్రజలు పండుగ రోజు ఒకే చోట చేరి గోరాయ్హబ్బా అనే ప్రత్యేక కార్యక్రమంతో వేడుక చేసుకున్నారు. ఇందులో భాగంగా ఆవు పేడను ఒకరిపై మరొకరు విసురుకుంటూ సందడి సందడిగా గడిపారు.
వందేళ్ల చరిత్ర..
ఈ పండుగలో గ్రామస్థులు శరీర భాగాలకు పేడను పూసుకుంటూ (indian cow dung festival) వేడుక చేసుకుంటారు. అయితే.. కోపాన్ని దరిచేరనీయరు. పేడను విసురుకునేప్పుడు ఇతరుల పట్ల స్నేహభావాన్నే కలిగి ఉంటారు. పూర్వీకుల నుంచి వస్తున్న సంప్రదాయాన్ని కొనసాగిస్తున్నారు. గత వందేళ్ల నుంచి ఈ పండుగను జరుపుకుంటున్నామని గ్రామస్థులు చెబుతున్నారు.
ఆవు పేడను చుట్టుపక్కల ప్రాంతాల నుంచి సేకరించి గ్రామంలోని భీరేశ్వర దేవాలయం వద్ద పోగు చేస్తారు. ఆ ప్రదేశాన్ని రంగురంగుల కాగితాలతో అలంకరిస్తారు. పండుగ రోజు అక్కడికి గుంపుగా వెళ్లి దేవాలయంలో పూజలు నిర్వహిస్తారు. అనంతరం పేడను ఒకరిపై మరొకరు విసురుకుంటారు.
"సంప్రదాయంగా ప్రతి ఏడాది ఈ పండుగను మేము జరుపుకుంటాము. కుల వివక్షకు తావు లేకుండా అందరం కలిసి ఒకే చోట ఈ వేడుకను నిర్వహిస్తాము. కలిసిమెలిసి జీవించాలనే సందేశాన్ని గోరాయ్హబ్బా ఇస్తుంది."
-మంజునాథ్, స్థానిక యువకుడు
ఇదీ చదవండి:కొరడాలతో కొట్టుకుంటూ.. దీపావళి వేడుకలు!
