సిరియన్​ చర్చి సుప్రీం పాలోస్​-II కన్నుమూత

మలంకర ఆర్థోడాక్స్​ సిరియన్​ చర్చి​ ఆఫ్​ ఇండియా సుప్రీం బసెలియోస్​ మార్తోమా పాలోస్​-II కన్నుముశారు. కరోనా తర్వాత వచ్చే అనారోగ్య సమస్యలతో ఓ ప్రైవేటు ఆస్పత్రిలో చికిత్స పొందుతూ తుదిశ్వాస విడిచారు. ఆయన మరణం పట్ల ప్రధాని నరేంద్ర మోదీ సంతాపం వ్యక్తం చేశారు.

మలంకార ఆర్థోడాక్స్​ సిరియన్​ చర్చ్​ ఆఫ్​ ఇండియా సుప్రీం బసెలియోస్​ మార్తోమా పాలోస్​-II(74) తుది శ్వాస విడిచారు. ఇటీవలే అయన కరోనా బారిన పడ్డారు. కరోనా అనంతరం వచ్చే అనారోగ్య సమస్యలతో కేరళ, పథనంతిట్టా జిల్లాలోని ఓ ప్రైవేటు ఆస్పత్రిలో చికిత్స పొందుతున్నారు. ఈ క్రమంలో పాలోస్​-II కన్నుమూశారు. ఈ మేరకు ఆ చర్చి​ ప్రతినిధి ఒకరు తెలిపారు. బసెలియోస్​ మరణం పట్ల ప్రధాని నరేంద్ర మోదీ సంతాపం వ్యక్తం చేశారు.

బసెలియోస్ 2019 నుంచి ఊపిరితిత్తుల క్యాన్సర్​తో బాధపడుతున్నట్లు చర్చి​ ప్రతినిధి పేర్కొన్నారు.

2010లో మలంకార ఆర్థోడాక్స్​ సిరియన్​ చర్చ్​ ఆఫ్​ ఇండియా సుప్రీంగా బాధ్యతలు చేపట్టారు బసెలియోస్.

ఇదీ చూడండి: సీజనల్​ వ్యాధులకు ఈ జాగ్రత్తలతో చెక్​!