Chardham road project update: జాతీయ భద్రతను దృష్టిలో పెట్టుకుని చార్ధామ్ జాతీయ రహదారి ప్రాజెక్టులో రోడ్డు విస్తరణకు అనుమతులిచ్చింది సుప్రీంకోర్టు. ప్రాజెక్టుపై నివేదికను రూపొందించి, దానిని నేరుగా తమకు అందించేందుకు మాజీ న్యాయమూర్తి జస్టిస్ ఏకే సిక్రి నేతృత్వంలో కమిటీని ఏర్పాటు చేసింది.
ఈ కమిటీకి రక్షణశాఖ, రోడ్డు రవాణాశాఖ, ఉత్తరాఖండ్ ప్రభుత్వం, అన్ని జిల్లాల మెజిస్ట్రేట్లు సహకారం అందించాలని జస్టిస్ డీవై చంద్రచూడ్తో కూడిన సుప్రీం ధర్మాసనం ఆదేశించింది.
ఉత్తరాఖండ్లోని యమునోత్రి, గంగోత్రి, కేదార్నాథ్, బద్రీనాథ్లను కలుపుతూ 900కిలోమీటర్ల వ్యూహాత్మక ప్రాజెక్టుకు తలపెట్టింది కేంద్రం. ఈ ప్రాజెక్టు విలువ రూ. 12వేల కోట్లు.
Chardham road project supreme court: చైనా సరిహద్దు వరకు నిర్మించాల్సిన ఈ ప్రాజెక్టులో క్యారేజ్ వే వెడల్పును 5.5 మీటర్లకు మార్చాలని 2018లో సుప్రీంకోర్టు కేంద్రాన్ని ఆదేశించింది. ఈ ఆదేశాల్లో మార్పులు చేయాలని కోరుతూ ఈ ఏడాది సెప్టెంబర్లో సర్వోన్నత న్యాయస్థానాన్ని ఆశ్రయించింది కేంద్రం. ఇందుకు కోర్టు అంగీకరించింది.
ఇదీ చూడండి:- చైనా సరిహద్దులకు ఆయుధాలు తరలించాలి కదా!
