'జాతీయ సంక్షోభాన్ని చూస్తూ ఉండలేం'

కరోనా వ్యాప్తి, నివారణ చర్యలపై సుమోటోగా కేసు విచారణ జరిపింది సుప్రీంకోర్టు. ఈ క్రమంలో జాతీయ సంక్షోభంపై స్పందించకుండా ఉండలేమని పేర్కొంది. హైకోర్టుల్లో కరోనా అంశాలపై జోక్యం చేసుకోలేమని సుప్రీంకోర్టు తేల్చి చెప్పింది.

కరోనా రెండోదశ విజృంభణను జాతీయ సంక్షోభంగా పేర్కొంది సుప్రీంకోర్టు. ఇలాంటి క్లిష్ట సమయంలో ప్రేక్షకుడిలా చూస్తూ ఉండలేమని వ్యాఖ్యానించింది. అలాగే హైకోర్టుల్లో కరోనా అంశాలపై జోక్యం చేసుకోలేమని పేర్కొంది. రాష్ట్రాల్లోని అంశాలపై హైకోర్టులే నిర్ణయాలు తీసుకుంటాయని స్పష్టం చేసింది.

కరోనా చర్యలపై సుమోటోగా కేసు విచారణ జరిపిన జస్టిస్ డీవై చంద్రచూడ్​ నేతృత్వంలోని ధర్మాసనం.. ఆక్సిజన్ సరఫరా, వైద్య సౌకర్యాలు, ఆస్పత్రుల్లో పడకల పెంపు, రెమ్‌డెసివిర్ లభ్యతతో పాటు వ్యాక్సినేషన్ ప్రక్రియపై విచారణ జరుపుతామని తెలిపింది. ఈ అంశాలపై గురువారం సాయంత్రం నాటికి అఫిడవిట్ దాఖలు చేయాలని కేంద్రాన్ని ఆదేశించింది.

ఆక్సిజన్ లభ్యత, రాష్ట్రాల ఆక్సిజన్ అవసరాలు, కరోనా తీవ్ర ప్రభావిత ప్రాంతాల్లో చర్యలు, టీకా లభ్యత వంటి వివరాలు అందించాలని ఆదేశాల్లో సుప్రీంకోర్టు పేర్కొంది. సుమోటో కేసులో అమిసక్ క్యూరీగా సీనియర్ న్యాయవాదులు జైదీప్ గుప్త, మీనాక్షి అరోరాలను సుప్రీంకోర్టు నియమించింది. తదుపరి విచారణను ఏప్రిల్ 30కి వాయిదా వేసింది.

ఇదీ చూడండి: డాక్టర్ చెంప చెళ్లుమనిపించిన నర్సు- వీడియో వైరల్​