ఆర్య సమాజ్​ వివాహ ధ్రువపత్రాలు చెల్లవు: సుప్రీం

arya samaj marriage news: ఆర్య సమాజ్‌ జారీ చేసిన వివాహ ధ్రువపత్రాలపై సుప్రీం కోర్టు కీలక తీర్పును వెలువరించింది. ఆర్య సమాజ్‌ జారీ చేసే ధ్రువపత్రాలకు చట్టబద్ధమైన గుర్తింపు ఇచ్చేందుకు నిరాకరించింది.

arya samaj marriage news: ఆర్య సమాజ్‌ జారీచేసిన వివాహ ధ్రువపత్రాలకు చట్టబద్ధమైన గుర్తింపు ఇచ్చేందుకు సుప్రీంకోర్టు నిరాకరించింది. సుప్రీంకోర్టు న్యాయమూర్తులు జస్టిస్‌ అజయ్‌ రస్తోగీ, జస్టిస్‌ బీవీ నాగరత్నతో కూడిన ధర్మాసనం ఈ మేరకు ఉత్తర్వులు జారీ చేసింది. వివాహ ధ్రువపత్రాలు జారీ చేసే అధికారం ఆర్య సమాజ్‌కు లేదన్న ధర్మాసనం.. సంబంధిత అధికారులు జారీచేసిన వివాహ ధ్రువపత్రాలు మాత్రమే చెల్లుబాటు అవుతాయని పేర్కొంది. అలాంటి వాటినే సమర్పించాలని సుప్రీంకోర్టు స్పష్టం చేసింది.

మధ్యప్రదేశ్‌లో జరిగిన ఓ ప్రేమ వివాహానికి సంబంధించిన కేసులో సుప్రీంకోర్టు ఈ వ్యాఖ్యలు చేసింది. మైనర్ అయిన తమ కుమార్తెను ఓ యువకుడు అపహరించి అత్యాచారం చేసినట్లు పేర్కొన్న అమ్మాయి తల్లిదండ్రులు.. అతనిపై లైంగిక వేధింపుల నుంచి చిన్నారులకు రక్షణ కల్పించే పోస్కో చట్టం ప్రకారం కేసు పెట్టారు. ఈ వ్యవహారంలో సుప్రీంకోర్టును ఆశ్రయించిన యువకుడు మేజర్‌ అయిన అమ్మాయి ఇష్టపూర్వకంగానే ఆర్య సమాజ్‌లో పెళ్లి చేసుకున్నట్లు తెలిపాడు. ఈ మేరకు ఆర్యసమాజ్‌ జారీచేసిన వివాహ ధ్రువపత్రం సమర్పించగా సుప్రీంకోర్టు దాన్ని తిరస్కరించింది.

ఇదీ చదవండి: వధువు, వరుడు రెండూ ఆమెనే.. బిందు 'వింత పెళ్లి' కథేంటి?