తమిళ ప్రజలకు స్టాలిన్​ కృతజ్ఞతలు

తమిళనాట జరిగిన అసెంబ్లీ ఎన్నికల్లో డీఎంకే కూటమి విజయం సాధించింది. ఘన విజయం అందించిన అక్కడి ప్రజలకు కృతజ్ఞతలు తెలిపారు డీఎంకే అధినేత స్టాలిన్​. నిజాయతీగా పనిచేస్తానని హామీ ఇచ్చారు.

తమిళనాట జరిగిన శాసనసభ ఎన్నికల్లో ప్రభుత్వాన్ని ఏర్పాటు చేసేందకు కావాల్సిన స్పష్టమైన మెజారిటీని సాధించింది డీఎంకే కూటమి. దీంతో తొలిసారిగా తమిళనాడు ముఖ్యమంత్రిగా పగ్గాలు చేపట్టబోతున్నారు ఆ పార్టీ అధినేత ఎంకే స్టాలిన్​. ఈ తరుణంలో తన పార్టీకి ఓటు వేసి అఖండ విజయాన్ని అందించిన తమిళ ప్రజలకు కృతజ్ఞతలు తెలిపారు. వారి కోసం నిజాయతీగా పనిచేస్తానని వారికి హామీ ఇచ్చారు.