SSC Jobs 2023 : కేంద్ర ప్రభుత్వ సంస్థల్లో ఇంజినీర్​​ పోస్టులు​.. లక్షకుపైగా జీతం..

SSC Jobs 2023 : ఇంజినీరింగ్​ విద్యార్థులకు గుడ్​ న్యూస్​. కేంద్ర ప్రభుత్వ సంస్థల్లో ఖాళీగా ఉన్న జూనియర్‌ ఇంజినీర్‌ ఉద్యోగాల నియామకానికి నోటిఫికేషన్‌ విడుదలైంది. మరి ఈ పోస్టుకు ఎవరు దరఖాస్తు చేసుకోవచ్చు, ఎన్ని ఖాళీలు, ఎవరు అర్హులు, జీతం ఎంత పూర్తి వివరాలు మీ కోసం..

Central Government Jobs : ఇంజినీరింగ్​ పూర్తి చేసిన విద్యార్థులకు శుభవార్త. కేంద్ర ప్రభుత్వ సంస్థల్లోని వివిధ విభాగాల్లో జూనియర్‌ ఇంజినీర్‌ (జేఈ) ఉద్యోగాల భార్తీకి సంబంధించి భారీ నోటిఫికేషన్‌ను విడుదల చేసింది స్టాఫ్‌ సెలక్షన్‌ కమిషన్‌ (ఎస్​ఎస్​సీ). మొత్తం 1324 ఉద్యోగాల భర్తీకి ఆన్‌లైన్‌ దరఖాస్తులను ఈనెల 26 నుంచి స్వీకరిస్తోంది. ఆసక్తి కలిగి, అర్హులైన అభ్యర్థులు ఆగస్టు 16 వరకు దరఖాస్తు చేసుకోవచ్చు.

ఖాళీలు..
SSC JE Total Posts 2023 : 1324 పోస్టులు.

పోస్టు..
SSC JE Posts : గ్రూప్‌-బి (నాన్‌ గెజిటెడ్‌) జూనియర్‌ ఇంజినీర్‌ పోస్టులు.

విద్యార్హతలు..
SSC JE Education Qualification : డిప్లొమా (సివిల్‌/ మెకానికల్‌/ ఎలక్ట్రికల్‌) తత్సమానం లేదా డిగ్రీ (సివిల్‌/ మెకానికల్‌/ ఎలక్ట్రికల్‌) చదివినవారు అర్హులు. కొన్ని పోస్టులకు పని అనుభవం కూడా తప్పనిసరిగా చేర్చారు.

జీతం:
SSC JE Posts Salary : ఏడో వేతన స్కేలు ప్రకారం రూ.35,400-రూ.1,12,400 వరకు జీతభత్యాలు ఉంటాయి.

వయో పరిమితి:
SSC JE Age Limit : పోస్టులను బట్టి కొన్ని పోస్టులకు 30 ఏళ్లు, మరికొన్నింటికి 32 ఏళ్లు వయో పరిమితిని విధించారు. వివిధ కేటగిరీలవారికి వయోపరిమితుల్లో సడలింపులు ఉన్నాయి. కొన్ని కేటగిరీలవారికి మినహాయింపులు కూడా ఉన్నాయి.

అప్లికేషన్​ ఫీజు:

• SSC JE Application Fee : దరఖాస్తు రుసుము- రూ.100/-
• ఎస్సీ, ఎస్టీ, దివ్యాంగులు, మహిళలు, ఎక్స్-సర్వీస్‌మెన్‌లకు ఎటువంటి అప్లికేషన్​ ​ఫీజు లేదు. పూర్తిగా ఉచితం.

దరఖాస్తు చివరితేదీ..
SSC JE Application Last Date : 2023 ఆగస్టు 16.

ఎంపిక విధానం:
SSC JE Selection Process : పేపర్‌-1, పేపర్‌-2 రాత పరీక్షల్లో క్వాలిఫై అయిన అభ్యర్థులను ధ్రువపత్రాల పరిశీలనకు పిలుస్తారు. అనంతరం వైద్య పరీక్షల నిర్వహించి ఉద్యోగాలకు ఎంపిక చేస్తారు.

జాబ్​ లొకేషన్..
SSC JE Job Location : ఈ పోస్టులకు ఎంపికైన వారు దేశవ్యాప్తంగా ఉన్న కేంద్ర ప్రభుత్వ సంస్థలు లేదా శాఖల్లో గ్రూప్‌-బి (నాన్‌ గెజిటెడ్‌) జూనియర్‌ ఇంజినీర్‌గా పనిచేయాల్సి ఉంటుంది.

ఏవైనా పొరపాట్లు ఉంటే..
SSC Recruitment 2023 : అభ్యర్థుల దరఖాస్తుల్లో ఏవైనా పొరపాట్లు ఉంటే సవరించుకునేందుకు ఆగస్టు 17, 18 తేదీల వరకు గడువు ఉంది.

పరీక్ష విధానం..
SSC JE Exam Mode : కంప్యూటర్‌ ఆధారిత పరీక్ష (పేపర్‌-1)

పరీక్ష నిర్వహణ..
SSC JE Exam Date : అక్టోబర్‌లో పరీక్ష జరిగే అవకాశం ఉంది.

పరీక్ష కేంద్రాలు..
SSC JE Exam Center List : హైదరాబాద్, వరంగల్, కరీంనగర్, చీరాల, తిరుపతి, విజయవాడ, విశాఖపట్నం, విజయనగరం, కాకినాడ, గుంటూరు, కర్నూలు, నెల్లూరు, రాజమండ్రి.

• ఇవీ చదవండి :