కేంద్ర క్రీడా శాఖ మంత్రికి 'ఆయుష్​' బాధ్యతలు

యువజన వ్యవహారాలు, క్రీడా మంత్రి కిరెన్ రిజిజుకు ఆయుష్ మంత్రిత్వ శాఖ బాధ్యతలు తాత్కాలికంగా అప్పగిస్తూ రాష్ట్రపతి రామ్​నాథ్​ కోవింద్​ మంగళవారం ఉత్తర్వులు జారీ చేశారు.

కేంద్ర క్రీడల మంత్రి కిరన్​ రిజిజుకు అదనపు బాధ్యతలు అప్పగిస్తూ రాష్ట్రపతి భవన్​ ఉత్తర్వులు జారీ చేసింది. ప్రస్తుతం ఆయుష్ శాఖకు మంత్రిగా వ్యవహరిస్తోన్న శ్రీపాద నాయక్​ కోలుకునే వరకు కిరెన్​.. ఈ బాధ్యతలు నిర్వర్తించనున్నారు.

ఈ నెల 12న కర్ణాటకలో జరిగిన రోడ్డు ప్రమాదంలో శ్రీపాద నాయక్‌కు గాయాలు అయ్యాయి. ప్రస్తుతం ఆయన గోవాలో హోమియోపతి చికిత్స తీసుకుంటున్నారు. నాయక్​ పూర్తి స్థాయిలో బాధ్యతలు చేపట్టే వరకు రిజిజుకూ అదనపు బాధ్యతలు ఉంటాయని ఉత్తర్వుల్లో పేర్కొన్నారు రాష్ట్రపతి.