నైరుతి, తూర్పు మధ్య బంగాళాఖాతంలోని పలు ప్రాంతాల్లో నైరుతి రుతుపవనాలు(monsoon) మరింత ముందుకు వచ్చాయని భారత వాతావరణ శాఖ(IMD) గురువారం తెలిపింది. మే 31న కేరళ తీరాన్ని తాకే అవకాశముందని చెప్పింది.
"మాల్దీవులు-కామొరిన్, నైరుతి, తూర్పుమధ్య బంగాళాఖాతంలోని పలు ప్రాంతాల్లో... ఆగ్నేయ బంగాళాఖాతం, పశ్చిమమధ్య బంగాళాఖాతంలోని కొన్నిప్రాంతాల్లో గురువారం(మే 27) ఉదయం నైరుతి రుతుపవనాలు మరింత ముందుకు వచ్చాయి. మే 31న ఇవి కేరళ తీరాన్ని తాకే అవకాశం ఉంది."
- ఐఎండీ.
అరేబియా సముద్రం, బంగాళఖాతంలో ఏర్పడిన అల్పపీడనం కారణంగా ఇటీవల తౌక్టే తుపాను, యాస్ తుపాను ఏర్పడ్డాయి. ఫలితంగా దేశంలోని పలు ప్రాంతాల్లో విస్తారంగా వర్షాలు కురిసాయి. సాధారణంగా ప్రతి ఏడాది జూన్ 1న కేరళను తాకే నైరుతి రుతుపవనాలు ఈ సారి ఒకరోజు ముందుగానే తాకుతున్నాయని ఐఎండీ పేర్కొంది.
ఇదీ చూడండి: 50 ఏళ్లలో 117 తుపాన్లు.. 88 శాతం తగ్గిన ప్రాణనష్టం
ఇదీ చూడండి: బంగాల్ పర్యటనకు ప్రధాని మోదీ
