మహిళా రెజ్లర్ నిశా దారుణ హత్య- సుశీల్ అకాడమీకి నిప్పు

మహిళా రెజ్లర్ నిశా దహియాను దుండుగలు కాల్చి చంపారు. హరియాణాలో జరిగిన ఈ దాడిలో ఆమె సోదరుడు కూడా ప్రాణాలు కోల్పోయాడు. ఈ ఘటనతో ఆగ్రహం చెందిన స్థానికులు సుశీల్​ కుమార్ అకాడమీకి నిప్పంటించారు.

హరియాణా సోనిపత్​లో మహిళా రెజ్లర్ నిశా దహియా దారుణ హత్యకు గురైంది. దుండుగులు ఆమె కుటుంబంపై తుపాకులతో దాడికి పాల్పడ్డారు. ఈ ఘటనలో నిశాతో పాటు ఆమె సోదరుడు అక్కడికక్కడే ప్రాణాలు కోల్పోయారు. తుపాకీ తూటాలు తగిలి, తీవ్ర గాయాలపాలైన ఆమె తల్లి పరిస్థితి విషమంగా ఉంది.

సోనిపత్​ హలాల్​పుర్ గ్రామంలో రెజ్లర్ సుశీల్ కుమార్ అకాడమీలో ఈ దారుణ ఘటన జరిగింది. నిశా హత్యతో తీవ్ర ఆగ్రహానికి గురైన గ్రామస్థులు సుశీల్ అకాడమీకి నిప్పుపెట్టారు. దీంతో అక్కడ ఉద్రిక్త వాతావరణం నెలకొంది.

గందరగోళం..

నిశా హత్య అనంతరం కాసేపు గందరగోళం నెలకొంది. చనిపోయింది అండర్​-23 వరల్డ్ రెజ్లింగ్ ఛాంపియన్, జాతీయ మహిళా రెజ్లర్​ నిశా దహియానే అని ప్రచారం జరిగింది. అయితే హత్యకు గురైంది ఛాంపియన్ నిశా కాదని, కొత్తగా రెజ్లింగ్​లోకి అడుగుపెడుతున్న మరో నిశా తర్వాత తెలిసింది.

నిశాను కాల్చిచంపింది ఆమె కోచ్​, అతని స్నేహితులే అని పోలీసుల వెల్లడించారు.

జాతీయ రెజ్లర్ నిశా ప్రస్తుతం ఉత్తర్​ప్రదేశ్​లో ఉందని, సీనియర్​ నేషనల్స్​ కోసం సన్నద్దం అవుతోందని భారత రెజ్లింగ్ సమాఖ్య వీడియో విడుదల చేసింది.