ఉత్తర్‌ప్రదేశ్ జౌనపుర్ జిల్లాలో ఘోర రోడ్డు ప్రమాదం జరిగింది. ట్రక్కు, జీపు ఢీ కొనగా ఆరుగురు ప్రాణాలు కోల్పోయారు. మరో 11 మంది తీవ్రంగా గాయపడ్డారు. వారిలో ముగ్గురి పరిస్థితి విషమంగా ఉన్నట్లు పోలీసులు తెలిపారు.
జలాల్‌పుర్ పోలీస్ స్టేషన్ పరిధిలోని త్రిలోచన్ బజార్ సమీపంలో ప్రమాదం సంభవించింది. ప్రయాణికులతో జీపు వారణాసి నుంచి జౌనపుర్‌కు వెళుతున్న క్రమంలో.. ప్రమాదం జరిగినట్లు పోలీసులు తెలిపారు. ఘటన సమయంలో జీపులో 17 మంది ఉండగా.. ఆరుగురు మృతి చెందారు. క్షతగాత్రులను చికిత్స నిమిత్తం స్థానిక ఆసుపత్రికి తరలించారు.
