బంగాల్లో అధికార తృణమూల్ కాంగ్రెస్ సృష్టించిన రాజకీయ హింస కారణంగానే.. రాష్ట్రంలో ఎనిమిది దశల్లో ఎన్నికలు నిర్వహించాల్సిన పరిస్థితి వచ్చిందని బంగాల్ భాజపా అధ్యక్షుడు దిలీప్ ఘోష్ ఆరోపించారు. భాజపా అధికారంలోకి వస్తే.. ఓకే దశలో ఎన్నికలు జరిగే విధంగా బంగాల్ను మారుస్తామని హామీ ఇచ్చారు.
"ఎన్నికలు స్వేచ్ఛగా, నిజాయతీగా జరగాలన్న ఉద్దేశంతోనే బంగాల్లో 8 దశల్లో ఎన్నికలు నిర్వహిస్తున్నారు. అధికార టీఎంసీ కారణంగా రాష్ట్రంలో రాజకీయ హింస పెరిగిపోయింది. భాజపా అధికారంలోకి వస్తే బంగాల్ను హింస నుంచి విముక్తి చేస్తాం. రాష్ట్రంలో ఒకే దశలో ఎన్నికలు జరిగితే అది బంగాల్కు గర్వ కారణం."
-- దిలీప్ ఘోష్, బంగాల్ భాజపా అధ్యక్షుడు
బంగాల్ అసెంబ్లీ ఎన్నికలను ఎనిమిది దశల్లో నిర్వహించడాన్ని ఆ రాష్ట్ర సీఎం మమతా బెనర్జీ తప్పుబట్టారు. ప్రధాని మోదీ, హోం మంత్రి అమిత్ షా సూచనలు మేరకు ఎన్నికల తేదీలను ప్రకటించారా? అని కేంద్ర ఎన్నికల సంఘాన్ని ప్రశ్నించారు.
ఇదీ చదవండి : బంగాల్లో కాంగ్రెస్-లెఫ్ట్ కూటమి మెగా ర్యాలీ!
