Sheep Sold For Record Price: కర్ణాటకలోని విజయపుర జిల్లా ఇండీ పట్టణంలో ఓ గొర్రె పిల్ల రికార్డు ధర పలికింది. ఏడు రోజుల వయసు గల ఈ గొర్రె పిల్లను రూ. రెండు లక్షలు వెచ్చించి మహారాష్ట్రకు చెందిన ఓ గొర్రెల కాపరి కొనుగోలు చేశారు. 'సుల్తాన్'గా పిలిచే ఈ గొర్రెకు మార్కెట్లో మంచి డిమాండ్ ఉంది.
ఎందుకు అంత డిమాండ్..?
కిలారీ జాతికి చెందిన ఈ గొర్రెలు చాలా ప్రత్యేకమైనవి అని చాలా మంది భావిస్తుంటారు. ఈ గొర్రె తమ వద్ద ఉంటే అదృష్టం కలిసి వస్తుందనేది వారి నమ్మకం. అందుకే బానప్పు మాస్టర్ పూజారీకి చెందిన ఈ గొర్రె పిల్ల అంత ధర పలికింది. దీనిని సొంతం చేసుకునేందుకు కొనుగోలుదారులు పోటీపడ్డారు. ఈ క్రమంలో సిద్ధాంత గ్రామానికి చెందిన నామదేవ ఖోక్రే ఈ 'సుల్తాన్'ను దక్కించుకున్నారు.
ఇదీ చూడండి : బిడ్డ పాలు తాగలేదని.. 'డాక్టర్' తల్లి ఆత్మహత్య!
