Sexual assault cases: కర్ణాటక కలబురిగిలో దారుణ ఘటన జరిగింది. మతిస్థిమితం సరిగా లేని ఓ బాలికపై దుండగులు సామూహిక అత్యాచారానికి పాల్పడ్డారు. ఈ సంఘటన జనవరి 5న జరిగింది. ఆలస్యంగా వెలుగులోకి వచ్చింది.
బాలికను నిర్మానుష్య ప్రాంతానికి తీసుకెళ్లిన ఐదుగురు దుండగులు అఘాయిత్యానికి పాల్పడినట్లు తెలిసింది. ఈ ఘటనపై బాధితురాలి తల్లిదండ్రులు.. విశ్వవిద్యాలయ పోలీస్ స్టేషన్లో ఫిర్యాదు చేశారు. కేసు నమోదు చేసుకున్న పోలీసులు.. నిందితుల కోసం గాలిస్తున్నారు.
శివమొగ్గ జిల్లాలో మరో ఘటన
శివమొగ్గ జిల్లా భద్రావతిలో ఉన్నత పాఠశాల విద్యార్థినిపై ఓ వ్యక్తి అత్యాచారానికి పాల్పడ్డాడు. గత సోమవారం బాలిక పాఠశాలకు వెళ్తున్న క్రమంలో.. కారులో వచ్చిన దుండగుడు ఆమెను అపహరించి అఘాయిత్యం చేశాడు.
నగరంలోని పేపర్ టౌన్ పోలీస్ స్టేషన్లో కేసు నమోదైంది. బాధితురాలిని జిల్లా కేంద్రానికి తరలించి చికిత్స అందిస్తున్నారు. నిందితుడి కోసం గాలిస్తున్నారు పోలీసులు.
ఇదీ చూడండి: మహిళపై సామూహిక అత్యాచారం.. మెడికల్ షాప్కు వెళ్తే.!
