రాజస్థాన్లో దారుణ ఘటన వెలుగుచూసింది. జైపుర్లోని విశ్వకర్మ పారిశ్రామిక ప్రాంతంలో ఏడేళ్ల బాలికపై అత్యాచారం చేసి, ఆపై హత్యచేశాడో దుండగుడు.
అసలేం జరిగిందంటే..
విశ్వకర్మ పోలీస్ స్టేషన్ పరిధిలోని రోడ్ నంబర్-17 సమీపంలో ఓ చిన్నారి బంధువుల ఇంటికి ఆడుకోవడానికి వెళ్లింది. తన అమ్మమ్మతో పాటు వెళ్లిన ఆ బాలిక సాయంత్రమైనా తిరిగి ఇంటికి రాలేదు. ఇంతలో తల్లిదండ్రులు ఆమె కోసం వెతకడం ప్రారంభించారు. అయినా కనిపించకపోవడం వల్ల.. స్థానిక పోలీస్ స్టేషన్లో ఫిర్యాదు చేశారు.
దర్యాప్తు చేపట్టిన పోలీసులు.. తన మామయ్య ఇంటి వద్ద అనుమానాస్పద స్థితిలో పడి ఉన్న మైనర్ మృతదేహాన్ని గుర్తించారు. ఆ చిన్నారిని అత్యాచారం చేసి, గొంతుకోసి చంపినట్టు పోలీసులు తేల్చారు. ఫోరెన్సిక్ నిపుణులు సంఘటనా స్థలానికి చేరుకుని బాధితురాలి నమూనాలను సేకరించారు.
ఆ చిన్నారి మామయ్య కూడా స్పృహ కోల్పోయి అక్కడే పడి ఉండటం పలు అనుమానాలకు తావిస్తోంది. ఈ కేసులో అతడే ప్రధాన నిందితుడిగా భావించిన అధికారులు.. దర్యాప్తు సాగిస్తున్నారు.
ఇదీ చదవండి: 24 కి.మీ వెనక్కి దూసుకెళ్లిన రైలు- ఆపై బోల్తా
