ఛత్తీస్గఢ్లోని నక్సల్స్ క్యాంప్పై భద్రతా దళాలు జరిపిన దాడిలో.. మావోయిస్టులు తృటిలో తప్పించుకున్నారని దంతెవాడ జిల్లా ఎస్పీ అభిషేక్ పల్లవ తెలిపారు. అగ్రశ్రేణి నక్సల్ నేతలు సమావేశమయ్యారన్న పక్క సమాచారంతో డీఆర్జీ, ఎస్టీఎఫ్, రాష్ట్ర పోలీసు బలగాలు కాల్పులు జరిపాయని పేర్కొన్నారు.
అగ్రశ్రేణి మావోయిస్టులు చైతు, వినోద్, దేవా ఛత్తీస్గఢ్లోని దర్భా డివిజన్లో సమావేశమైనట్లు సమాచారం అందింది. భద్రతా బలగాలు సోమవారం సాయంత్రమే ఆ ప్రాంతాన్ని చుట్టుముట్టాయి. మా రాకను పసిగట్టిన నక్సల్స్.. గాల్లోకి కాల్పులు జరుపుతూ అడవిలోకి పారిపోయారు.
-అభిషేక్ పల్లవ, దంతెవాడ జిల్లా ఎస్పీ.
సంఘటన స్థలంలో 8-10 గుడారాలు, పేలుడు పదార్థాలు, ఏకే-47 రౌండ్లు, విప్లవ సాహిత్యం లభించినట్లు ఎస్పీ తెలిపారు. అక్కడ రక్తపు మరకలు ఉండటాన్ని బట్టి చూస్తే పలువురు నక్సల్స్కు గాయాలైనట్లు తెలుస్తోందన్నారు.
ఇదీ చదవండి: ఒకే కుటుంబానికి చెందిన నలుగురు ఆత్మహత్య
