SCR Recruitment 2023 : రైల్వేలో పనిచేయాలనే ఆస్తకి ఉన్న అభ్యర్థులకు గుడ్ న్యూస్. దక్షిణ మధ్య రైల్వే 35 జూనియర్ టెక్నికల్ అసోసియేట్ పోస్టుల భర్తీ కోసం ప్రకటన విడుదల చేసింది. దరఖాస్తు చేసుకోవడానికి చివరి తేదీ 2023 జూన్ 30.
పోస్టుల వివరాలు
- సివిల్ ఇంజినీరింగ్ డిపార్ట్మెంట్లో.. జూనియర్ టెక్నికల్ అసోసియేట్ (వర్క్స్) - 19 పోస్టులు
- ఎలక్ట్రికల్ ఇంజినీరింగ్ డిపార్ట్మెంట్లో.. జూనియర్ టెక్నికల్ అసోసియేట్ (డ్రాయింగ్) - 10 పోస్టులు
- ఎస్ అండ్ టీ డిపార్ట్మెంట్లో.. జూనియర్ టెక్నికల్ అసోసియేట్ (డ్రాయింగ్) - 06 పోస్టులు
విద్యార్హతలు
- Railway Jobs Notification 2023 : జూనియర్ టెక్నికల్ అసోసియేట్ (వర్క్స్) - అభ్యర్థులు గుర్తింపు పొందిన విశ్వవిద్యాలయం నుంచి 4 సంవత్సరాల వ్యవధి గల సివిల్ ఇంజినీరింగ్ లేదా సివిల్ ఇంజినీరింగ్కు సంబంధించిన సబ్స్ట్రీమ్స్ కాంబినేషన్స్లో బ్యాచిలర్ డిగ్రీ చేసి ఉండాలి.
- జూనియర్ టెక్నికల్ అసోసియేట్ (ఎలక్ట్రికల్) (డ్రాయింగ్) - అభ్యర్థులు గుర్తింపు పొందిన విశ్వవిద్యాలయం నుంచి నాలుగేళ్ల వ్యవధి గల మెకానికల్/ ఎలక్ట్రికల్/ ఎలక్ట్రానిక్స్లో బ్యాచిలర్ డిగ్రీ చేసి ఉండాలి. లేదా గుర్తింపు పొందిన విశ్వవిద్యాలయం నుంచి 3 ఏళ్ల వ్యవధి గల మెకానికల్, ఎలక్ట్రికల్, ఎలక్ట్రానిక్స్లో డిప్లొమా చేసి ఉండాలి.
- జూనియర్ టెక్నికల్ అసోసియేట్ ఎస్ & టీ (డ్రాయింగ్) - అభ్యర్థులు గుర్తింపు పొందిన విశ్వవిద్యాలయం నుంచి ఎలక్ట్రికల్/ ఎలక్ట్రానిక్స్/ ఇన్ఫర్మేషన్ టెక్నాలజీ/ కమ్యునికేషన్ ఇంజినీరింగ్/ కంప్యూటర్ సైన్స్ & ఇంజినీరింగ్ లేదా ఎమ్మెస్సీ ఎలక్ట్రానిక్స్లో నాలుగేళ్ల బ్యాచిలర్ డిగ్రీ ఉత్తీర్ణత పొంది ఉండాలి. లేదా అభ్యర్థులు గుర్తింపు పొందిన విశ్వవిద్యాలయం నుంచి ఎలక్ట్రికల్/ ఎలక్ట్రానిక్స్/ ఇన్ఫర్మేషన్ టెక్నాలజీ/ కమ్యునికేషన్ ఇంజినీరింగ్/ కంప్యూటర్ సైన్స్ & ఇంజినీరింగ్ లేదా ఎమ్మెస్సీ ఎలక్ట్రానిక్స్లో మూడేళ్లు వ్యవధి గల డిప్లొమా పూర్తి చేసి ఉండాలి.
వయోపరిమితి
- యూఆర్ - 18 నుంచి 33 ఏళ్లు
- ఓబీసీ - 18 నుంచి 36 ఏళ్లు
- ఎస్సీ/ ఎస్టీ - 18 నుంచి 38 ఏళ్లు
దరఖాస్తు రుసుము
ఎస్సీ, ఎస్టీ, ఓబీసీ, మహిళలు, మైనారిటీలు, ఈడబ్ల్యూఎస్ అభ్యర్థులు రూ.250 దరఖాస్తు రుసుముగా చెల్లించాలి. మిగతా కేటగిరీ అభ్యర్థులు రూ.500 చెల్లించాల్సి ఉంటుంది.
ఎంపిక ప్రక్రియ
విద్యార్హతకు 55 మార్కులు, అనుభవానికి 30 మార్కులు, పర్సనాలిటీ లేదా ఇంటెలిజెన్స్కు 15 మార్కులు కేటాయిస్తారు. వీటిలో మెరిట్ సాధించిన అభ్యర్థులను ఉద్యోగాలకు ఎంపిక చేస్తారు.
ఆఫ్లైన్లో దరఖాస్తు ఇలా?
ఆసక్తి గల అభ్యర్థులు తమ దరఖాస్తును ఆఫ్లైన్లో పంపించాల్సి ఉంటుంది. అప్లికేషన్ పంపించాల్సిన చిరునామా : సెక్రటరీ టూ ప్రిన్సిపల్ చీఫ్ పర్సనల్ ఆఫీసర్ అండ్ సీనియర్ పర్సనల్ ఆఫీసర్ (ఇంజినీరింగ్), ఆఫీస్ ఆఫ్ ప్రిన్సిపల్ చీఫ్ పర్సనల్ ఆఫీసర్, ఫోర్త్ ఫ్లోర్, పర్సనల్ డిపార్ట్మెంట్, రైల్వే నిలయం, సౌత్ సెంట్రల్ రైల్వే, సికింద్రాబాద్, పిన్ 500025
దరఖాస్తుకు చివరి తేదీ
దరఖాస్తు ప్రక్రియ ఇప్పటికే ప్రారంభమైంది. అప్లై చేసుకోవడానికి ఆఖరు తేదీ 2023 జూన్ 30.
