ఐదు కోట్ల ఇరవై లక్షల సంవత్సరాల క్రితం నాటి చీమల శిలాజాన్ని కనుగొన్నారు శాస్త్రవేత్తలు. జమ్ము కశ్మీర్లోని శ్రీనగర్లో ఉన్న హేమవతి నందన్ గడ్వాల్ సెంట్రల్ యూనివర్సిటీకి చెందిన శాస్త్రవేత్తలు ఈ ఘనతను సాధించారు. రాజస్థాన్లోని బీకానెర్ ప్రాంతలోని ఓ గనిలో వీటిని గుర్తించిట్లు శాస్త్రవేత్తలు తెలిపారు. లార్వా రూపంలో ఈ శిలాజం లభించిందని శాస్త్రవేత్తలు తెలిపారు. లార్వా రూపంలో ఉన్న చీమల శిలాజాన్ని కనుగొనడం ప్రపంచంలోనే మొదటిసారని వారు చెబుతున్నారు. ఇది అత్యంత పూరాతనమైన లార్వా అని శాస్త్రవేత్తలు అంటున్నారు. ప్రస్తుతం ఈ చీమల శిలాజంపై మరింత లోతుగా పరిశోధనలు జరుపుతున్నట్లు వారు వెల్లడించారు. భవిష్యత్తులో మరిన్ని విషయాలు తెలుసుకునేందుకు.. ఈ శిలాజం దోహదం చేస్తుందని శాస్త్రవేత్తలు అభిప్రాయపడుతున్నారు.
"యూనివర్సిటీ ప్రొఫెసర్ డాక్టర్ రాజేంద్ర రాణా అధ్వర్యంలో ఈ పరిశోధన జరుగుతోంది. బీకానెర్లోని బ్రౌన్ మైన్స్లో ఈ చీమల లార్వాను శాస్త్రవేత్తలు గుర్తించారు. ఇందుకోసం రష్యా శాస్త్రవేత్తల సహాయం సైతం తీసుకున్నారు. 2ఎమ్ఎమ్ పరిణామంలో ఈ లార్వా ఉంది. ఒక లార్వాను నీటిలో గుర్తించారు. ఇంతకు ముందెన్నడు నీటిలో ఓ శిలాజాన్ని గుర్తించలేదు" అని గడ్వాల్ యూనివర్సిటీలోని పీఎచ్డీ స్కాలర్ రమణ పటేల్ తెలిపారు.
ఈ శిలాజం జర్మనీ, మయన్మార్లో ఇంతకుముందు కూడా కనుగొన్నారని.. కానీ లార్వా రూపంలో కనుగొన్న శిలాజం మాత్రం ప్రత్యేకమైనదని శాస్త్రవేత్తలు చెబుతున్నారు. ఇది లార్వా పరిణామ క్రమాన్ని కనుగొనేందుకు దోహదపడుతుందని వారు తెలిపారు. ప్రస్తుతం రెండు జాతులు మాత్రమే ఇప్పుడు భూమ్మీద నివాసం ఉంటున్నాయని శాస్త్రవేత్తలు చెబుతున్నారు.
"శిలాజలం 2ఎమ్ఎమ్ సైజులో ఉంది. లార్వా అభివృద్ధి చెందే క్రమాన్ని అర్థం చేసుకునేందుకు ఈ శిలాజం సహాయకరంగా ఉంటుంది. ఇతర శిలాజాలకు ఇప్పుడు గుర్తించిన లార్వాకు పెద్దగా తేడా ఏమిలేదు. కానీ కాళ్ల నిర్మాణంలో కొంచెం తేడా ఉంది. ఇదే చాలా ఆసక్తికరంగా ఉంది" అని యూనివర్సిటీ సీనియర్ సైంటిస్ట్ ప్రొఫెసర్ రాజేంద్ర రాణా తెలిపారు.
