అఖిల భారత కిసాన్ సమన్వయ కమిటీ(ఏఐకేసీసీ) ప్రతినిధులతో సంప్రదింపులు జరిపింది సాగు చట్టాలపై సుప్రీంకోర్టు నియమించిన కమిటీ. నూతన సాగు చట్టాలపై వారి అభిప్రాయాలను తెలుసుకునేందుకు దిల్లీలోని జాతీయ వ్యవసాయ శాస్త్ర కార్యాలయంలో ఏఐకేసీసీ ప్రతినిధులతో కమిటీ చర్చలు జరిపినట్లు ఓ ప్రకటనలో తెలిపారు అధికారులు.
ఈ భేటీలో పాల్గొన్న ఏఐకేసీసీ ప్రతినిధులు.. వ్యవసాయ చట్టాలపై తమ వివరణాత్మక అభిప్రాయాలు, సూచనలు కమిటీకి తెలిపారని పేర్కొన్నారు. అనిల్‌ ఘన్వాత్‌, డాక్టర్ ప్రమోద్‌ కుమార్‌ జోషీ, అశోక్‌ గులాటీలతో కూడిన ముగ్గురు సభ్యుల ప్యానెల్.. ఆన్‌లైన్ సహా వ్యక్తిగతంగానూ రైతు ప్రతినిధులతో సంప్రదింపులు జరుపుతోందని తెలిపారు.
సాగు చట్టాల విషయమై రైతులు-కేంద్రానికి మధ్య 11 సార్లు చర్చలు జరిగినప్పటికీ పరిష్కారం రాలేదు. 18 నెలలు సాగు చట్టాల అమలును నిలిపివేస్తామని కేంద్రం ప్రతిపాదించినా.. రైతులు అందుకు అంగీకరించలేదు.
ఇదీ చూడండి: గల్వాన్ యోధుడిని సత్కరించిన సీఎం
