తమిళనాడు మాజీ ముఖ్యమంత్రి జయలలిత నెచ్చెలి వీకే శశికళ చెన్నై చేరుకున్నారు. బెంగళూరు నుంచి 23 గంటల సుదీర్ఘ రోడ్డు ప్రయాణం తర్వాత మంగళవారం ఉదయం టీ నగర్లోని ఆమె నివాసానికి వచ్చారు. సోమవారం ఉదయం బెంగళూరులో ప్రయాణం ప్రారంభించిన శశికళకు ఆమె మద్దతుదార్లు దారిపొడవునా ఘన స్వాగతం పలికారు.
చెన్నై చేరిన శశికళ
ఎంజీఆర్ నివాసానికి..
ఆమె నివాసానికి చేరుకునే ముందు శశికళ రామాపురంలోని మాజీ ముఖ్యమంత్రి ఎంజీ రామచంద్రన్ నివాసాన్ని సందర్శించారు. ఎంజీఆర్ చిత్రపటానికి నివాళులు అర్పించారు. అమ్మ మక్కల్ మున్నేట్ర కజగం నేత, శశికళ మేనల్లుడు టీటీవీ దినకరన్ కూడా ఈ కార్యక్రమంలో పాల్గొన్నారు. అక్రమాస్తుల కేసులో జైలు శిక్ష అనుభవించిన శశికళ.. ఈ ఏడాది జనవరి 27న విడుదలయ్యారు.
ఇదీ చదవండి : 'చిన్నమ్మ వస్తే తమిళనాడులో అల్లర్లే'
