మే 26ను 'బ్లాక్ డే' పాటించాలని పిలుపునిచ్చింది రైతు సంఘం సంయుక్త కిసాన్ మోర్చా. కేంద్ర సాగు చట్టాలకు వ్యతిరేకంగా కర్షకులు చేపట్టిన ఆందోళన 6 నెలలు పూర్తి కావొస్తున్న సందర్భంగా ఈ మేరకు శనివారం ప్రకటించింది.
మే 26న ప్రజలు తమ ఇళ్లు, వాహనాలు, షాపుల్లో నల్ల జెండాలు ఎగురవేయాలని రైతు నేత బల్బీర్ సింగ్ రాజేవాల్ పిలుపునిచ్చారు. మోదీ ప్రభుత్వం అదే రోజు 7 సంవత్సరాలు పూర్తి చేసుకుంటోందని, నిరసనలో భాగంగా ప్రధాని దిష్టిబొమ్మ తగలబెట్టనున్నట్లు రాజేవాల్ చెప్పారు.
సాగు చట్టాలను నిరసిస్తూ.. నవంబర్ 26న రైతులు 'దిల్లీ చలో' కార్యక్రమం చేపట్టారు. ఈ సందర్భంగా పోలీసులు వారిపై నీటి ఫిరంగులు, లాఠీఛార్జి చేశారు. దేశ రాజధాని చుట్టూ టిక్రి, సింఘు, గాజీపుర్ సరిహద్దుల్లో వేలాది రైతులు ఈ ఉద్యమంలో పాల్గొన్నారు.
ఇదీ చూడండి: ' మోదీజీ.. గంగానది మీ వల్లే విలపిస్తోంది'
