Akhilesh Yadav: ఉత్తర్ప్రదేశ్ అసెంబ్లీ ఎన్నికల్లో సమాజ్వాదీ పార్టీ అధినేత, మాజీ ముఖ్యమంత్రి అఖిలేశ్ యాదవ్ పోటీ చేస్తున్నట్లు ఆ పార్టీ జాతీయ అధికార ప్రతినిధి ఆశుతోష్ వర్మ తెలిపారు. పార్టీకి మంచి పట్టు ఉన్న మెయిన్పురిలోని కర్హాల్ అసెంబ్లీ నియోజకవర్గం నుంచి ఆయన బారిలో నిలుస్తున్నట్లు చెప్పారు.
" సమాజ్వాదీ పార్టీ అధ్యక్షుడు అఖిలేశ్ యావద్ మెయిన్పురిలోని కర్హాల్ నియోజకవర్గం నుంచి ఎన్నికల్లో పోటీ చేయనున్నారు. "
- ఆశుతోష్ వర్మ, ఎస్పీ జాతీయ అధికార ప్రతినిధి.
ప్రస్తుతం అజామ్గఢ్ లోక్సభ నియోజకవర్గానికి ప్రాతినిధ్యం వహిస్తున్నారు ఎస్పీ అధినేత అఖిలేశ్ యాదవ్. యూపీ అసెంబ్లీ ఎన్నికల్లో పోటీ చేయటంపై బుధవారం కీలక వ్యాఖ్యలు చేశారు. తన నియోజకవర్గ ప్రజలతో మాట్లాడిన తర్వాత పోటీ చేయటంపై నిర్ణయం తీసుకుంటానని చెప్పారు. తాజాగా.. ఆయన పోటీ చేయనున్నట్లు పార్టీ ప్రకటించింది.
మెయిన్పురి పార్లమెంట్ నియోజకవర్గానికి సమాజ్వాదీ పార్టీ వ్యవస్థాపకుడు ములాయం సింగ్ యాదవ్ ప్రాతినిధ్యం వహిస్తున్నారు.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చూడండి: గోరఖ్పుర్లో యోగిపై 'భీమ్ ఆర్మీ' ఆజాద్ పోటీ
