అంబానీ ఇంటివద్ద పేలుడు పదార్థాల కేసు.. నాటకీయ మలుపులు తిరుగుతోంది. ఈ కేసులో అరెస్టై, సస్పెండైన పోలీస్ అధికారి సచిన్ వాజేకు సంబంధించిన ఓ సీసీటీవీ వీడియో.. కలకలం సృష్టిస్తోంది. ఓ 5 నక్షత్రాల హోటల్లోకి ఆయన తన కారులో డబ్బుల కట్టలను తీసుకువెళ్లినట్లుగా తెలుస్తోంది. స్కానర్లలో నమోదైన ఫుటేజీలో ఈ విషయం బయటపడింది.
సీసీటీవీలో సచిన్ వాజే.. కారు దృశ్యాలు
మరోవైపు.. ఈ కేసులో వాజేను జాతీయ దర్యాప్తు సంస్థ(ఎన్ఐఏ) ప్రత్యేక కోర్టు ముందు శుక్రవారం హాజరుపరిచింది. తనకు ఈ కేసుకూ ఏ సంబంధమూ లేదని న్యాయస్థానం ఎదుట సచిన్ వాజే నివేదించారు. తనను ఈ కేసులో అన్యాయంగా ఇరికించారని ఆవేదన వ్యక్తం చేశారు.
సచిన్వాజే ఎన్ఐఏ కస్టడీని కోర్టు ఏప్రిల్ 3 వరకు పొడిగించింది.
ఇదీ చూడండి: బాంబే హైకోర్టుకు పరమ్ వీర్ సింగ్
