Indian Man Marries Russian: పెళ్లికి కుల, మతాలే కాదు.. దేశాలు కూడా అడ్డుకాదని చాటి చెప్పింది ఓ ప్రేమ జంట. రష్యాకు చెందిన అమ్మాయిని.. ఝార్ఖండ్ అబ్బాయి.. భారతీయ సంప్రదాయం ప్రకారం జరిగిన పెళ్లితో ఒక్కటయ్యారు. ఝార్ఖండ్లోని హఝారిభాగ్కు చెందిన అమిత్ అభిషేక్.. రష్యాకు చెందిన నేవీ అధికారి కూతురు సీన్యా ఎల్కినా కొంత కాలంగా ప్రేమించుకుంటున్న వీరు.. ఈ పెళ్లితో వివాహ బంధంలోకి అడుగు పెట్టారు.
అభిషేక్ ఉన్నత విద్యకోసం 2017లో రష్యాలోని సమర నగరానికి వెళ్లగా.. అక్కడ సీన్యాతో స్నేహం ఏర్పడింది. ఐదేళ్లుగా కొనసాగుతున్న వీరి స్నేహం ప్రేమగా మారింది. ఈ క్రమంలో సీన్యా అభిషేక్తో సహా భారత్కు వచ్చి ఇక్కడ ఓ ప్రభుత్వ ప్రాజెక్ట్లో ఉద్యోగం చేస్తోంది. అభిషేక్, సీన్యా తమ ప్రేమ విషయాన్ని ఇంట్లో చెప్పగా.. ఇరువురి కుటుంబ సభ్యులు ఒప్పుకున్నారు. దీంతో భారతీయ సంప్రదాయం ప్రకారం వారి పెళ్లి జరగ్గా.. సీన్యా కుటుంబ సభ్యులందరూ వివాహానికి హాజరయ్యారు.
ఇదీ చదవండి: ప్రేమ కోసం పురుషుడిలా మారిన మహిళ.. చివరకు ఏమైందంటే?
