దిల్లీ చేరుకున్న రష్యా విదేశాంగ మంత్రి.. మోదీతో భేటీ!

రష్యా విదేశాంగ మంత్రి సెర్గీ లావ్రోవ్​ భారత్​ చేరుకున్నారు. దిల్లీ విమానాశ్రయంలో అధికారులు ఆయనకు స్వాగతం పలికారు. ప్రధాని మోదీ, విదేశాంగ మంత్రి జైశంకర్​తో భేటీ కానున్నారు.

భారత్​లో రెండు రోజుల పర్యటనలో భాగంగా రష్యా విదేశాంగ మంత్రి సెర్గీ లావ్రోవ్​ దిల్లీ చేరుకున్నారు. అధికార పర్యటనకు దిల్లీ చేరుకున్న ఆయనకు అధికారులు స్వాగతం పలికారు. ఉక్రెయిన్​పై రష్యా సైనిక చర్య కొనసాగుతున్న ప్రస్తుత తరుణంలో లావ్రోవ్​ భారత పర్యటన చేపట్టటం ప్రాధాన్యం సంతరించుకుంది.

• #WATCH | Foreign Minister of Russia, Sergey Lavrov arrives in New Delhi for an official visit
  
  (Video Source: MEA Spokesperson Arindam Bagchi) pic.twitter.com/6kM1nJRYli

  — ANI (@ANI) March 31, 2022 " class="align-text-top noRightClick twitterSection" data="

  #WATCH | Foreign Minister of Russia, Sergey Lavrov arrives in New Delhi for an official visit
  
  (Video Source: MEA Spokesperson Arindam Bagchi) pic.twitter.com/6kM1nJRYli

  — ANI (@ANI) March 31, 2022

  ">

  #WATCH | Foreign Minister of Russia, Sergey Lavrov arrives in New Delhi for an official visit
  
  (Video Source: MEA Spokesperson Arindam Bagchi) pic.twitter.com/6kM1nJRYli

  — ANI (@ANI) March 31, 2022

ఈ పర్యటనలో భాగంగా ఏప్రిల్​ 1న ప్రధానమంత్రి నరేంద్ర మోదీ, విదేశాంగ మంత్రి ఎస్​ జైశంకర్​తో సమావేశం కానున్నారు లావ్రోవ్​. ద్వైపాక్షిక అంశాలు, సంబంధాల బలోపేతం సహా ఇతర కీలక అంశాలు చర్చించే అవకాశం ఉన్నట్లు రష్యా విదేశాంగ శాఖ ప్రతినిధి మరియా జఖరోవా తెలిపారు.అయితే.. మీడియాకు విడుదల చేసిన అడ్వైజరీలో ప్రధాని మోదీ- లావ్రోవ్​ మధ్య సమావేశం ఉందని ఎలాంటి సమాచారం లేదు. ఈ పర్యటనలో భారత్​కు డెలివరీ చేయాల్సిన ఎస్​-400 మిసైల్​ వ్యవస్థ సహా వివిధ ఆయుధ సామగ్రిని అనుకున్న సమయానికి ఇవ్వాలని కోరనున్నట్లు అధికారవర్గాలు తెలిపాయి.

రెండు రోజుల పాటు చైనాలో పర్యటించిన అనంతరం భారత్​కు వచ్చారు లావ్రోవ్​. బ్రిటీష్​ విదేశాంగ మంత్రి లిజ్​ ట్రస్​, అమెరికా డిప్యూటీ జాతీయ భద్రతా సలహాదారు దిలీప్​ సింగ్​లు భారత పర్యటనకు వచ్చిన సమయంలోనే లావ్రోవ్​ రావటం గమనార్హం. గత వారం చైనా విదేశాంగ మంత్రి వాంగ్​ యీ భారత్​లో పర్యటించారు.