నేటి నుంచి 13వ ఏరోఇండియా-2021 ప్రదర్శన ప్రారంభం కానుంది. బెంగళూరు యలహంకలోని ఎయిర్ఫోర్స్ స్టేషన్లో నిర్వహించనున్నారు. ఈ నెల 5 వరకు కొనసాగనున్న ఎయిర్ షోను రక్షణ మంత్రి రాజ్నాథ్ సింగ్, ముఖ్యమంత్రి యడియూరప్ప ప్రారంభించనున్నారు.
తేజస్ కొనుగోలుకు ఒప్పందం..
తేలికపాటి యుద్ధ విమానాల కొనుగోలుకు కేంద్ర ప్రభుత్వం బుధవారం లాంఛనంగా ఒప్పందం కుదుర్చుకోనుంది. హిందుస్థాన్ ఏరోనాటిక్స్ లిమిటెడ్(హాల్) నుంచి రూ. 48 వేల కోట్ల విలువైన 83 తేజస్ యుద్ధ విమానాల కొనుగోలు ఒప్పందంపై.. రక్షణ శాఖ, హాల్ అధికారులు సంతకాలు చేయనున్నారు. బెంగళూరులో జరుగుతున్న 'ఏరో ఇండియా' ప్రదర్శనలో.. రక్షణ మంత్రి రాజ్నాథ్సింగ్, వైమానిక దళ ఉన్నతాధికారుల సమక్షాన ఈ కార్యక్రమం జరుగుతుందని సంబంధిత అధికారులు వెల్లడించారు.
ఇదీ చూడండి: 'రక్షణ రంగ కేటాయింపుల్లో 60 ఏళ్ల రికార్డ్ రిపీట్!'
