ప్రభుత్వ ఉద్యోగులకు కీలక ఆదేశాలు జారీ చేసింది గుజరాత్ సర్కార్. ఇకపై కేవలం జియో నెట్వర్క్ను మాత్రమే వినియోగించాలని సూచించింది. ప్రస్తుతం ఉద్యోగులు వాడుతున్న వొడాఫోన్-ఐడియా సర్వీసులను సోమవారం నుంచి నిలిపివేస్తున్నట్లు వెల్లడించింది. ఆ నంబర్లను రిలయన్స్ జియోకు మారుస్తున్నట్లు తెలిపింది. కేవలం రూ.37.50కే పోస్ట్పెయిడ్ సేవలను.. ఉద్యోగులకు అందించనున్నట్లు జియో ప్రకటించింది.
గత కొంత కాలంగా గుజరాత్ ప్రభుత్వ ఉద్యోగులు వొడాఫోన్-ఐడియా పోస్ట్పెయిడ్ సర్వీసులను వాడుతున్నారు. ఇకపై ఉద్యోగులెవ్వరూ వొడాఫోన్-ఐడియా సర్వీసులను వాడొద్దని సోమవారం గుజరాత్ ప్రభుత్వం ఉత్తర్వులను జారీ చేసింది. కేవలం నెలకు రూ.37.50కే పోస్ట్పెయిడ్ సేవలను జియో అందిస్తున్నట్లు వెల్లడించింది. దీంతో ఏ మొబైల్ ఆపరేటర్కైనా, ల్యాండ్లైన్కైనా కాల్ చేయవచ్చని వివరించింది. దాంతో పాటు నెలకు 3వేల ఉచిత SMSలను వాడుకోవచ్చని పేర్కొంది. ఈ SMSల పరిధి దాటితే.. ఒక్కో మెసేజ్కు జియో 50పైసలను ఛార్జ్ చేస్తుందని తెలిపింది. అదే విధంగా అంతర్జాతీయ SMSలకు రూ.1.25లను ఛార్జ్ చేస్తుందని తెలిపింది.
ప్రభుత్వం, రిలయన్స్ సంస్థల మధ్య కుదిరిన ఒప్పందం ప్రకారం.. జియో సేవలతో ఉద్యోగులకు నెలకు 30 జీబీ డేటా, 4జీ సర్వీసులతో లభిస్తుంది. వాటి పరిధి ముగిసినట్లయితే మరో 25 రూపాయలతో రీఛార్జ్ చేసుకోవాల్సి ఉంటుంది. దీంతో మరో 60 జీబీ డేటా అదనంగా లభిస్తుంది. ఒకవేళ అన్లిమిటెడ్ డేటా కావాలనుకుంటే.. 125 రూపాయలను చెల్లించాల్సి ఉంటుంది. అదే విధంగా 5జీ సేవలను కూడా 4జీ సేవల ధరలకే జియో అందిస్తోంది.
ప్రభుత్వ ఉద్యోగులు జీన్స్, టీ షర్ట్ ధరించొద్దు! గవర్నమెంట్ ఆదేశాలు..
కొద్ది రోజుల క్రితం ప్రభుత్వ ఉద్యోగులు జీన్స్ ప్యాంట్, టీ షర్ట్ ధరించి ఆఫీసులకు రాకూడదని మహారాష్ట్ర గవర్నమెంట్ ఆదేశాలు జారీ చేసింది. ఉద్యోగులకు ప్రత్యేక డ్రెస్ కోడ్ ప్రవేశపెడుతూ.. ఓ సర్కులర్ జారీ ఇచ్చింది.
డ్రెస్కోడ్ ఇలా..
- మహిళా ఉద్యోగులు చీరలు, చుడీదార్లు, కుర్తాలు, ట్రౌజర్ ప్యాంట్లు ధరించాలి. షర్ట్లు ధరించేందుకు వీలుంది అయితే వాటిపై అవసరమైతే దుపట్టాలు వేసుకోవాలి.
- పురుష ఉద్యోగులకు మాత్రం తక్కువ అవకాశాలు ఇచ్చింది ప్రభుత్వం. వారు ట్రౌజర్ ప్యాంట్లు, షర్ట్లు మాత్రమే వేసుకోవాలి.
- ముదురు రంగు దుస్తులు, ఎక్కువగా డిజైన్ ప్యాట్రన్లు, బొమ్మలు ఉన్న దుస్తులు ధరించకూడదు. జీన్స్, టీ షర్ట్లు వేసుకునేందుకు అనుమతి లేదు.
- మహిళలు చప్పల్, సాండల్స్, షూ వేసుకోవచ్చు. పురుషులు షూ లేదా సాండల్స్ మాత్రమే వేసుకోవాలి. స్లిప్పర్లు ధరించేందుకు అవకాశమే లేదు.
- చేతి వృత్తులను ప్రోత్సహించేందుకు.. శుక్రవారం ఒక్క రోజైనా ఖాదీ దుస్తులు ధరించాలి.
డ్రెస్ కోడ్ ఎందుకు?
అనేక మంది ప్రభుత్వ ఉద్యోగులు (ముఖ్యంగా కాంట్రాక్ట్ సిబ్బంది) సరైన దుస్తులు ధరించడం లేదని గమనించినట్లు మహారాష్ట్ర ప్రభుత్వం పేర్కొంది. ఈ కారణంగా ప్రజల్లో ప్రభుత్వ ఉద్యోగులపై నమ్మకం తగ్గుతోందని గమనించినట్లు ప్రకటనలో తెలిపింది. ప్రజలు ప్రభుత్వ ఉద్యోగుల నుంచి మంచి ప్రవర్తన, వ్యక్తిత్వాన్ని ఆశిస్తారని గుర్తు చేసింది. పూర్తి కథనం కోసం ఇక్కడ క్లిక్ చేయండి.
