సెంట్రల్ విస్టా అవెన్యూ (central vista avenue) మరో రెండున్నర నెలల్లో పూర్తి అవుతుందని కేంద్ర మంత్రి హర్దీప్ సింగ్ పురీ వెల్లడించారు. వచ్చే ఏడాది గణతంత్ర దినోత్సవం (Republic day) నాటికి వేడుకలు నిర్వహించేందుకు సిద్ధంగా ఉంటుందని (central vista avenue) తెలిపారు. 2022 పార్లమెంట్ శీతాకాల సమావేశాలు కొత్త పార్లెమెంటు భవనంలోనే జరుగుతాయని పేర్కొన్నారు. కస్తూర్బా గాంధీ మార్గ్, ఆఫ్రికా అవెన్యూ ప్రాంతంలో రక్షణ కార్యాలయ సముదాయం ప్రారంభోత్సవం సందర్భంగా ఈ వ్యాఖ్యలు చేశారు.
12 నెలల్లోనే పూర్తి..
రక్షణ కార్యాలయ సముదాయ నిర్మాణం శరవేగంగా పూర్తయిందన్నారు హర్దీప్ సింగ్ పురీ. లైట్గేజ్ స్టీల్ ఫ్రెమింగ్ టెక్నాలజీతో ఈ భవనాలను నిర్మించారని పేర్కొన్నారు. 24 నెలలో పూర్తి కావాల్సిన ప్రాజెక్టు కేవలం 12 నెలల్లో పూర్తయిందని తెలిపారు. ఈ ప్రాజెక్టు ద్వారా 6.4 లక్షల మందికి ఉపాధి కలిగిందన్నారు.
ఇదీ చూడండి : Kanhaiya kumar congress: యూపీ ఎన్నికల వేళ కాంగ్రెస్లోకి కన్నయ్య!
