Rat In Chicken Curry : స్నేహితుడితో కలిసి రెస్టారెంట్కు వెళ్లిన ఓ బ్యాంక్ మేనేజర్కు వింత అనుభవం ఎదురైంది. వారికి సర్వ్ చేసిన చికెన్ కర్రీలో చనిపోయిన ఎలుక వచ్చింది. దీనిపై సిబ్బందిని ప్రశ్నించగా.. నిర్లక్ష్యంగా సమాధానం ఇచ్చారు. ఘటనపై పోలీసులకు ఫిర్యాదు చేయగా.. ఆ హోటల్ మేనేజర్ను, కుక్లను అరెస్టు చేశారు.
అసలేం జరిగిందంటే?
పోలీసులు తెలిపిన వివరాల ప్రకారం.. మధ్యప్రదేశ్కు చెందిన అనురాగ్ దిలీప్ సింగ్(40).. గోరేగావ్‌లోని ఓ ప్రైవేట్ బ్యాంక్‌లో సీనియర్ మేనేజర్‌గా పనిచేస్తున్నారు. ఆగస్టు 13వ తేదీన.. ఆయన తన స్నేహితుడు అమీన్ ఖాన్తో షాపింగ్కు వెళ్లారు. ఆ తర్వాత ఇద్దరూ కలిసి బాంద్రాలోని పాపా పంచో ద దాబా రెస్టారెంట్కు భోజనం చేసేందుకు వెళ్లారు. అక్కడ చికెన్, మటన్ కర్రీలను ఆర్డర్ చేశారు.
Rat Found In Bandra Restaurant : కాసేపటికి సర్వర్.. అనురాగ్ చెప్పిన ఆహారాన్ని తీసుకొచ్చాడు. ఇద్దరు సరదాగా మాట్లాడుకుంటూ తినడం ప్రారంభించారు. ఈ క్రమంలో అనురాగ్.. తాను తింటున్న చికెన్ కర్రీలో ఓ ముక్క అసాధారణంగా ఉండటాన్ని గమనించాడు. దాన్ని బాగా పరిశీలించగా అది చనిపోయిన ఎలుక అని తెలుసుకుని షాకయ్యాడు. దీంతో సిబ్బందిని పిలిచి ప్రశ్నించారు. ఆ సమయంలో హోటల్ మేనేజర్ వివియన్ ఆల్బర్ట్ సిక్వేరా అక్కడ అందుబాటులో లేడు. దీంతో ఆయనకు ఫోన్ చేసి హోటల్కు రప్పించి ఎలుకను చూపించారు. కానీ అతడు.. వారికి సంతృప్తికరమైన సమాధానం ఇవ్వలేకపోయాడు.
ఆ తర్వాత అనురాగ్ తన స్నేహితుడితో కలిసి బాంద్రా పోలీస్ స్టేషన్కు వెళ్లి ఫిర్యాదు చేశారు. చనిపోయిన ఎలుకను ఆహారంలో పెట్టి ప్రాణహాని కలిగిస్తున్నారని ఆరోపణలతో పోలీసులు కేసు నమోదు చేశారు. హోటల్కు వెళ్లిన పోలీసులు.. మేనేజర్తోపాటు మరో ఇద్దరు వంటచేసే వాళ్లను అరెస్ట్ చేశారు. పలు సెక్షన్ల కింద కేసులు నమోదు చేశారు. అయితే వారు ముగ్గురు.. బెయిల్పై విడుదలయ్యారు. తాను ఘటన జరిగిన వెంటనే వైద్యుడి దగ్గరకు వెళ్లి పరీక్షలు చేయించుకున్నానని ఫిర్యాదుదారు తెలిపారు. డాక్టర్ మందులు కూడా రాసి ఇచ్చారని చెప్పాడు.
