ప్రతిష్టాత్మక బంగాల్ అసెంబ్లీ పోరుకు భారతీయ జనతా పార్టీ సిద్ధమవుతున్న వేళ సంయుక్త కిసాన్ మోర్చా (ఎస్కేఎం) నేత రాకేశ్ టికాయిత్ ఆ రాష్ట్రంలో పర్యటించనున్నారు. ఎన్నికలకు 14రోజుల ముందుగానే మార్చి 13న ఆయన బంగాల్ వెళ్లనున్నారు. అక్కడ ఏర్పాటు చేసే మహాపంచాయత్లో సాగు చట్టాలకు వ్యతిరేకంగా ప్రసంగించనున్నారు.
రైతుల ఉద్యమం గురించి ప్రజలకు అవగాహన కల్పించి వారి నుంచి మద్దతు కూడగట్టడానికి దేశవ్యాప్తంగా మహాపంచాయత్లు నిర్వహిస్తున్నారు రైతు నేతలు. అందులో భాగంగా త్వరలోనే ఎన్నికలు జరగనున్న రాష్ట్రాల్లోనూ పర్యటించనున్నట్లు ఎస్కేఎం తెలిపింది. "రైతు, పేదలకు వ్యతిరేకంగా ఉన్న భాజపా విధానాలను ఎండగట్టి, ఎన్నికల్లో ఆ పార్టీకి బుద్ధి చెప్పాలని ప్రజలను కోరనున్నాం" అని ఆ సంఘం వివరించింది.
డా.దర్శన్ పాల్, యోగేంద్ర యాదవ్, బల్బీర్ సింగ్ సహా ఇతర రైతు నేతలు మహాపంచాయత్లో మార్చి 12న పాల్గొననున్నారు.
294 అసెంబ్లీ స్థానాలున్న బంగాల్లో మార్చి 27 నుంచి ఏప్రిల్ 29 వరకు 8 దశల్లో ఎన్నికలు జరగనున్నాయి.
ఇదీ చూడండి: టీఎంసీ నుంచి భాజపా గూటికి మరో కీలక నేత
