'మాటలే.. టీకాల్లేవు' - కేంద్రంపై రాహుల్​ ధ్వజం

కేంద్రానివి ఒట్టి మాటలేనని.. టీకాలు(Corona vaccine) లేవని ట్విట్టర్​ వేదికగా తీవ్ర విమర్శలు చేశారు కాంగ్రెస్ అగ్రనేత రాహుల్​ గాంధీ(Rahul Gandhi). దిల్లీ సహా పలు రాష్ట్రాలకు టీకాలు అందుబాటులో లేవన్నారు. ఈ మేరకు ఓ మీడియా కథానాన్ని తన ట్వీట్​కు జోడించారు రాహుల్​.

కరోనా టీకాల(Corona vaccines) కొరతను ఉద్దేశించి కేంద్రంపై తీవ్ర విమర్శలు చేశారు కాంగ్రెస్ అగ్రనేత రాహుల్​ గాంధీ. పలు రాష్ట్రాల్లో టీకాలు అందుబాటులో లేవని ఆరోపించారు. మాటలే గానీ.. చేతల్లేవని కేంద్రంపై ధ్వజమెత్తారు. దిల్లీ సహా పలు రాష్ట్రాలు టీకాల కొరతను ఎదుర్కొంటున్నాయని పేర్కొన్న ఓ మీడియా కథనాన్ని ఉటంకిస్తూ.. రాహుల్​ ఈ వ్యాఖ్యలు చేశారు.

"మాటలే ఉన్నాయి.. టీకాల్లేవు" అని రాహుల్​ ట్వీట్​ చేశారు. 'టీకాలు ఎక్కడా?' అని ప్రశ్నించారు.

రాహుల్ ట్వీట్​

తప్పుడు వాగ్దానాలు..

వ్యాక్సినేషన్​పై కాంగ్రెస్​ సీనియర్​ నేత పీ చిదంబరం కూడా విమర్శలు గుప్పించారు. డిసెంబర్​ నాటికి వయోజనులందరికీ టీకా పంపిణీ చేస్తామని కేంద్రం తప్పుడు వాగ్దానాలు చేసిందని దుయ్యబట్టారు. వ్యాక్సినేషన్​ ప్రక్రియ నెమ్మదిగా సాగుతోందన్నారు.

ఇదీ చూడండి: జమ్ముకశ్మీర్​లో డ్రోన్​ కలకలం- బలగాలు అప్రమత్తం