మోదీ సర్కార్పై కాంగ్రెస్ నేత రాహుల్ గాంధీ ధ్వజమెత్తారు. అసమ్మతి స్వరం వినిపించినవారిపై కేంద్రం చేస్తోన్న ఎదురుదాడిని తప్పుబట్టారు. ఈ మేరకు ట్విట్టర్లో పదునైన విమర్శలు సంధించారు.
"మోదీ ప్రభుత్వం దృష్టిలో అసమ్మతి స్వరం వినిపించే విద్యార్థులు దేశద్రోహులు. ఆందోళన చేసే పౌరులు అర్బన్ నక్సల్స్. వలస కార్మికులు కరోనా స్ప్రెడర్లు. అత్యాచార బాధితులు అంటే లెక్కలేదు. నిరసన చేస్తోన్న రైతులు ఖలిస్థానీలు. కానీ సూటుబూటు వ్యాపారులు మాత్రం ప్రాణ స్నేహితులు"
- రాహుల్ గాంధీ, కాంగ్రెస్ నేత
మోదీ సర్కార్ ఇటీవల తెచ్చిన వ్యవసాయ చట్టాలు, ఆర్థిక పాలసీలపై రాహుల్ గాంధీ తీవ్ర విమర్శలు చేశారు. సాగు చట్టాలపై నిరసన చేస్తూ మరణించిన రైతులపై ఆవేదనతో ట్వీట్ చేశారు.
- ఇదీ చూడండి: 'ఆ చట్టాల రద్దుకు ఇంకెంతమంది త్యాగాలు చేయాలి?
