భారత రక్షణ, పరిశోధన అభివృద్ధి సంస్థ (డీఆర్డీవో) మరో క్షిపణిని విజయవంతంగా పరీక్షించింది. ఒడిశాలోని ఛాంద్పూర్ ఇంటిగ్రేటెడ్ టెస్ట్ రేంజ్(ఐటీఆర్) కేంద్రంలో 'క్విక్ రియాక్షన్ సర్ఫేస్ టు ఎయిర్ క్షిపణి' పరీక్షను విజయవంతంగా నిర్వహించింది.
స్వదేశీ పరిజ్ఞానంతోనే...
పూర్తి స్వదేశీ పరిజ్ఞానంతో తయారు చేసిన అన్ని రకాల వస్తువులను క్విక్ రియాక్షన్ క్షిపణి తయారీకి ఉపయోగించినట్లు డీఆర్డీవో పేర్కొంది. శుక్రవారం మధ్యాహ్నం 3.50 గంటలకు ఈ క్షిపణి ప్రయోగం జరిపినట్లు వెల్లడించింది.
క్విక్ రియాక్షన్ సర్ఫేస్ టు ఎయిర్ క్షిపణి ద్వారా నిర్ణీత దూరం, సమయంలో... బాన్షి పైలట్ రహిత టార్గెట్ను పేల్చినట్లు డీఆర్డీఓ తెలిపింది. క్షిపణిలో.. బ్యాటరీ, మల్టిఫంక్షనింగ్ రాడార్, బ్యాటరీ సర్వైలెన్స్ రాడార్, మొబైల్ లాంఛర్ మొదలైన అన్ని సాధనాలను అమర్చినట్లు పేర్కొంది.
ఈ క్షిపణి ప్రయోగం విజయవంతమైన నేపథ్యంలో రక్షణ మంత్రి రాజ్నాథ్ సింగ్ డీఆర్డీవో శాస్త్రవేత్తలను అభినందించారు.
ఇదీ చదవండి:పాకిస్థాన్ కాల్పులు- ఎస్సై సహా ముగ్గురు జవాన్లు వీరమరణం
