Pune Boy Suicide: మహారాష్ట్ర పుణెలో షాకింగ్ ఘటన జరిగింది. ఆడుకునే బొమ్మకు ఉరివేసిన ఎనిమిదేళ్ల బాలుడు అనంతరం తాను కూడా ఆత్మహత్యకు పాల్పడ్డాడు. తన నోట్లో బట్టను కుక్కుకొని ఊపిరాడక చనిపోయాడు. పింప్రీ చించ్వడ్లోని తేర్గావ్లో రెండు రోజుల క్రితం ఈ ఘటన జరిగింది.
ఇదీ జరిగింది: బొమ్మతో ఆడుకుంటున్న సమయంలో ఎనిమిదేళ్ల బాలుడు దానికి ఉరివేసినట్లు పోలీసులు తెలిపారు. అనంతరం అది చనిపోయినట్లు భావించి.. తాను కూడా తన నోరు, ముఖంపై బట్ట పరుచుకొని ఊపిరాడక చనిపోయాడు. ఈ ఘటన గురించి తెలుసుకుని పోలీసులు కూడా కంగుతిన్నారు.
అయితే ఇదంతా ఫోన్లో ఓ హారర్ వీడియో చూడటం వల్ల ప్రభావితమై చేసినట్లు పోలీసులు తెలిపారు. బాలుడి తల్లి తన పనిలో ఉండగా ఈ ఘటన జరిగిందని వెల్లడించారు. చిన్నారులపై తల్లిదండ్రులు ఎళ్లవేళలా ఓ కన్నేసి ఉంచాల్సిన అవసరాన్ని ఇలాంటి ఘటనలు చాటుతున్నాయని చెబుతున్నారు.
ఇదీ చూడండి: ఆరుగురు చిన్నారులపై అసహజ లైంగిక దాడి.. నెల రోజులుగా..!
