Flag-lowering retreat ceremony: పంజాబ్ అట్టారీలోని భారత్-పాకిస్థాన్ సరిహద్దులో నిత్యం నిర్వహించే ఫ్లాగ్-లోయరింగ్ రీట్రీట్ కార్యక్రమానికి సందర్శకుల ప్రవేశాన్ని తక్షణమే నిలిపివేస్తున్నట్లు సరిహద్ద భద్రతా దళం(బీఎస్ఎఫ్) బుధవారం తెలిపింది. కరోనా కేసులు పెరుగుతున్న నేపథ్యంలో ఈ నిర్ణయం తీసుకున్నట్లు చెప్పింది.
"దేశంలో కొవిడ్ పరిస్థితులతో పాటు అమృత్సర్ జిల్లా కలెక్టర్ జారీ చేసిన తాజా మార్గదర్శకాల ప్రకారం... పరిస్థితిని సమీక్షించి, అటారీ జాయింట్ చెక్పోస్టు వద్ద రిట్రీట్ కార్యక్రమానికి సందర్శకులను అనుమతించకూడదని బీఎస్ఎఫ్ నిర్ణయించింది. తక్షణమే దీన్ని అమలు చేయనున్నాం."
-బీఎస్ఎఫ్.
ప్రతిరోజు సాయంత్రం జరిగే ఈ కార్యక్రమంలో సందర్శకుల ప్రవేశాన్ని కరోనా కారణంగా.. 2020 మార్చి 7న రద్దు చేశారు. అయితే.. గతేడాది సెప్టెంబరు 15న మళ్లీ సందర్శకులకు అనుమతి ఇచ్చారు. అమృత్సర్కు 26 కిలోమీటర్ల దూరంలోని అట్టారీ- పాకిస్థాన్ వాఘా జాయింట్ చెక్పోస్టు వద్ద ఈ కార్యక్రమం జరుగుతుంది. గత కొన్నేళ్లుగా భారత్, పాక్ ఈ సంప్రదాయాన్ని పాటిస్తున్నాయి. ఈ కార్యక్రమాన్ని వీక్షించేందుకు ప్రజలు పెద్దఎత్తున తరలివస్తుంటారు.
ఇదీ చూడండి: దేశంలో కరోనా విలయ తాండవం .. ఒక్కరోజే 90,928 కేసులు
ఇదీ చూడండి: '8 రోజుల్లోనే 6.3 రెట్లు పెరిగిన కరోనా కేసులు'
