ఉత్తర్ప్రదేశ్లో గత ప్రభుత్వాలపై విమర్శలతో విరుచుకుపడ్డారు ప్రధానమంత్రి నరేంద్ర మోదీ(PM Modi News). పేద ప్రజలకు సొంతిల్లు నిర్మించాలనే చిత్తశుద్ధి వారికి లేదన్నారు. లఖ్నవూలో 'ఆజాదీ@75-న్యూ అర్బన్ ఇండియా' కార్యక్రమం ప్రారంభోత్సవంలో ఆయన పాల్గొన్నారు. యూపీలోని 75 జిల్లాలకు చెందిన 75వేల మంది లబ్ధిదారులకు ఇళ్ల తాళాలను డిజిటల్గా అంజేశారు. ప్రధానమంత్రి ఆవాస్ యోజన కింద వీరందరికీ ఇళ్లు మంజూరయ్యాయి.
" 2017కు ముందు యూపీలో ఇళ్ల నిర్మాణం కోసం రూ.18వేల కోట్లు మంజూరయ్యాయి. కానీ 18 ఇళ్లు కూడా నిర్మించలేకపోయారు. యోగి ఆదిత్యనాథ్ సర్కార్ 9 లక్షల ఇళ్లను నిర్మించింది. మరో 14 లక్షల ఇళ్లు నిర్మాణ దశలో ఉన్నాయి. దేశవ్యాప్తంగా ఎన్డీఏ ప్రభుత్వం 3 కోట్ల మంది పేదలను లక్షాధికారులుగా మార్చింది."
--ప్రధాని మోదీ.
ఈ కార్యక్రమంలో మోదీతో పాటు రక్షణమంత్రి రాజ్నాథ్ సింగ్, యూపీ సీఎం ఆదిత్యనాథ్, కేంద్ర పట్టణాభివృద్ధి శాఖ మంత్రి హర్దీప్ సింగ్ పురి, గవర్నర్ ఆనందిబెన్ పటేల్ పాల్గొన్నారు.
యూపీ పర్యటనలో భాగంగా అయోద్య అభివృద్ధి మాస్టర్ప్లాన్ గురించి కూడా మోదీ ఆరా తీశారు.
ఇదీ చదవండి: అబ్బాయికి హెలికాప్టర్.. బాబాయికి కుట్టుమిషన్.. లెక్క తేల్చిన ఈసీ!
