గుజరాత్లో పండిత్ దీన్దయాల్ పెట్రోలియం విశ్వవిద్యాలయం(పీడీపీయూ) 8వ స్నాతకోత్సవ వేడుకకు ప్రధాని నరేంద్ర మోదీ శనివారం హాజరుకానున్నారు. గాంధీనగర్లో జరిగే ఈ కార్యక్రమంలో వర్చువల్గా పాల్గొననున్నట్టు ట్విట్టర్ ద్వారా వెల్లడించారు మోదీ.
"గాంధీనగర్ పీడీపీయూలో శనివారం ఉదయం 11గంటలకు జరిగే స్నాతకోత్సవ కార్యక్రమంలో పాల్గొంటాను. అంతేకాకుండా.. విశ్వవిద్యాలయంలో పరిశోధన, ఆవిష్కరణలను మెరుగుపరిచేందుకు ఏర్పాటు చేసిన కేంద్రాలను ప్రారంభిస్తాను."
- నరేంద్ర మోదీ, ప్రధానమంత్రి.
స్నాతకోత్సవం సందర్భంగా అదే యూనివర్సిటీలోని ఓ సోలార్ ప్యానెల్ సహా పలు ఇతర కేంద్రాలను ప్రారంభించనున్నారు మోదీ. ఈ కాన్వకేషన్లో సుమారు 2,600 మంది విద్యార్థులు తమ డిగ్రీ/డిప్లోమాలను పొందనున్నట్టు ప్రధాని కార్యాలయం ఓ ప్రకటనలో వెల్లడించింది.
ఇదీ చదవండి: కరోనా టీకా పురోగతి, పంపిణీపై మోదీ సమీక్ష
