94వ పడిలోకి అడ్వాణీ- వెంకయ్య, మోదీ శుభాకాంక్షలు

భాజపా సహవ్యవస్థాపకుడు, మాజీ ఉప ప్రధాని ఎల్​కే అడ్వాణీ.. 94వ వసంతంలోకి అడుగుపెట్టారు. ఈ సందర్భంగా ప్రధాని నరేంద్ర మోదీ సహా ఆ పార్టీలోని ఇతరనేతలు కేకు కోయించి.. ఆయనకు జన్మదిన శుభాకాంక్షలు తెలిపారు.

మాజీ ఉపప్రధాని... భాజపా అగ్రనేత ఎల్​కే అడ్వాణీ 94వ పుట్టినరోజు సందర్భంగా ఆ పార్టీ నేతలు ఆయనకు శుభాకాంక్షలు తెలిపారు. భారత ప్రజానీకానికి, పార్టీకి ఆయన చేసిన సేవలను ప్రశంసించారు. 94వ పుట్టిన రోజు వేడుకలు జరుపుకొంటున్న అడ్వాణీ.. సంపూర్ణ ఆరోగ్యంతో ఉండాలని ఆకాంక్షించారు. ఉపరాష్ట్రపతి వెంకయ్యనాయుడు, ప్రధాని నరేంద్రమోదీ, కేంద్రమంత్రులు రాజ్‌నాథ్‌సింగ్‌, అమిత్‌ షా, భాజపా జాతీయ అధ్యక్షుడు జేపీ నడ్డా.. అడ్వాణీ నివాసానికి వెళ్లి జన్మదిన శుభాకాంక్షలు తెలియజేశారు. అడ్వాణీ కుటుంబ సభ్యుల సమక్షంలో ఆయనతో కేక్‌ కట్​ చేయించారు.

వెంకయ్యనాయుడు చేతుల మీదుగా అడ్వాణీ పుట్టినరోజు వేడుక

అడ్వాణీకి పుష్పగుచ్చం ఇస్తున్న ప్రధాని

మోదీ ట్వీట్​

"జన్మదిన శుభాకాంక్షలు అడ్వాణీ జీ. శేష జీవితం ఆయురారోగ్యాలతో వర్ధిల్లాలని దేవున్ని ప్రార్థిస్తున్నాను. దేశాన్ని శక్తిమంతం చేయడానికి, మన సంస్కృతిని పెంపొందించడానికి ఆయన చేసిన ప్రయత్నాలకు దేశం రుణపడి ఉంది. ఆయన గొప్ప రాజనీతిజ్ఞుడు, తెలివైనవారు."

- ప్రధాని నరేంద్ర మోదీ