లోక్​సభ పనితీరును మెరుగుపరిచిన బిర్లా : మోదీ

పార్లమెంట్​ ప్రజాస్వామ్యం, పనితీరును మెరుగుపరిచారంటూ స్పీకర్​ ఓం బిర్లాను కొనియాడారు ప్రధాని నరేంద్ర మోదీ. ప్రజాస్వామ్యంలో కీలక పాత్ర పోషించే ఎన్నో కమిటీలను బలోపేతం చేశారని కితాబిచ్చారు.

లోక్​సభ స్పీకర్​ ఓంబిర్లాపై ప్రశంసల కురిపించారు ప్రధాని నరేంద్ర మోదీ. పార్లమెంట్​ ప్రజాస్వామ్యం, పనితీరును ఆయన మరింత మెరుగుపరిచారని కొనియాడారు. స్పీకర్​గా రెండేళ్లు పూర్తి చేసుకున్న సందర్భంగా బిర్లాకు ట్విట్టర్ వేదికగా అభినందనలు తెలిపారు.

స్పీకర్ ఓం బిర్లా హయాంలో పార్లమెంటు పనితీరు మరింత మెరుగుపడిందని ప్రధాని నరేంద్ర మోదీ ట్విట్టర్ వేదికగా కొనియాడరు. సభాపతిగా రెండేళ్లు పూర్తి చేసుకున్న సందర్భంగా బిర్లాకు అభినందనలు తెలిపారు. ఆయన తీసుకున్న చర్యల కారణంగానే పార్లమెంటరీ ప్రజాస్వామ్యం బలోపేతమైందని, సభ ఉత్పాదకత పెరిగిందని ప్రశంసించారు. ఫలితంగా ఎన్నో చారిత్రక బిల్లులు లోక్​సభలో ఆమోదం పొందాయన్నారు.

లోక్​సభకు కొత్తగా వచ్చిన ఎంపీలతో పాటు, యువ నేతలు, మహిళా ఎంపీలకు సభలో మాట్లాడే అవకాశం కల్పించడానికి బిర్లా ప్రత్యేక చొరవ తీసుకున్నారని ప్రధాని అన్నారు. ప్రజాస్వామ్యంలో కీలక పాత్ర పోషించే ఎన్నో కమిటీలను బలోపేతం చేశారని కితాబిచ్చారు.

ఇదీ చదవండి : PM Modi: జమ్ముకశ్మీర్ రాజకీయ పార్టీలతో ప్రధాని భేటీ!